جاپونيا تۋريستەرگە ساۋساق بەدەرى ارقىلى اقشا تولەۋدى ۇسىنۋدا
بۇل تۋرالى The Japan News حابارلادى.
وسىلايشا ەل بيلىگى جاپونياعا كەلەتىن تۋريستەر سانىن ارتتىرىپ، قارجىعا قاتىستى قىلمىس سانىن ازايتۋدى كوزدەپ وتىر. جاڭا قىزمەت تۋريستەرگە نەسيە كارتاسىن نەمەسە قولما- قول اقشا الىپ ءجۇرۋ، ۆاليۋتا ايىرباستاۋ سەكىلدى ماشاقاتتاردان ارىلتادى. ولار ەلگە كەلگەن كەزدە، ساۋساق ىزدەرىن، جەكە جانە بانكتىڭ نەسيە كارتاسىنىڭ مالىمەتتەرىن اۋەجايداعى ارنايى دۇڭگىرشەكتە تىركەيدى. بۇدان كەيىن ولار دۇكەنگە بارىپ، تاۋار ساتىپ العان سوڭ سكانەرگە ساۋساعىن تيگىزسە، ەكرانعا تولەنەتىن سوما ەسەپتەپ شىعارىلادى.
جاپونيانىڭ بيلىگى وسىلايشا شەتەلدىكتەردىڭ ەلدە ءجۇرۋى مەن ولاردىڭ تۇتىنۋ جونىندەگى ءىس- قيمىلدارىن قاداعالاي الادى.
باستاپقىدا جوباعا تۋريستىك اۋداندارداعى 300 قوناق ءۇي، مەيرامحانا جانە كادەسىي دۇكەندەرى قاتىسادى. تەحنولوگيانى 2020 -جىلى توكيوداعى وليمپيادا ويىندارىنا قاراي تولىق ەنگىزۋدى جوسپارلاپ وتىر.
اي سوڭىندا جۇيەنى توكيولىق Aeon Bank العاش رەت سىناقتان وتكىزەدى. كليەنتتەر بانكوماتتاردان اقشانى پلاستيك كارتوچكالارىنسىز، ساۋساق ىزدەرىنىڭ كومەگىمەن شەشە الادى.
