09:15, 13 - ءساۋىر 2016 | GMT +5
ءۇيىن جيناپ جاتقان ايەل اۆياتسيالىق بومبانى تاۋىپ الدى
استانا. قازاقپارات - رەسەيدەگى استراحان وبلىسىنىڭ تۇرعىنى ءۇيىن جيناعان كەزدە اۆياتسيالىق بومبانى تاۋىپ الدى.
«استراحان وبلىسىنىڭ احتۋبينسكي اۋدانىندا قۋاتتى اۋە بومباسى زيانسىزداندىرىلدى»، - دەپ حابارلادى «ينتەرفاكس» اگەنتتىگىنە رەسەي ت ج م باس باسقارماسىنىڭ ايماق بويىنشا باسپا ءسوز قىزمەتىنىڭ باسشىسى دميتري دۋبروۆسكي.
«بۇگىن ۆەرحني باسكۋنچاك كەنتىنەن 5 شاقىرىم جەردە ەكىنشى دۇنيەجۇزىلىك سوعىس كەزىندەگى نەمىستىڭ ف ا ب-50 اۋە بومباسى جويىلدى. 8 -ءساۋىر كۇنى بومبانى سوۆەتسكايا كوشەسىندەگى ۇيدە تۇراتىن جەرگىلىكتى ايەل تاۋىپ العان. پاتەر جالداۋشىلارى ءۇيدى بوساتقان سوڭ ونى جيناۋعا كىرىسكەن ايەل بومباعا تاپ بولدى»، - دەدى دۋبروۆسكي، بومبانىڭ سالماعى 50 كەلىنى قۇراعانىن ناقتىلاپ.
الدىن الا شامالاۋ بويىنشا، بومبانى ايەلدىڭ پاتەرىن جالداۋشىلار تاپقان. ولار مۇنى مەتال سىنىقتارىن تاپسىرۋ ورنىنا وتكىزبەك بولعان.
