قازعارىشتا ايدىن ايىمبەتوۆتى قۇتتىقتادى - فوتو
كومپانيا پرەزيدەنتىنىڭ م. ا. ەربولسىن نۇرسەيىتوۆ ۇجىمدى عارىشكەرلەر كۇنىمەن قۇتتىقتادى.
«ءبىز بۇل كۇنى بارلىق ءۇش قازاقستاندىق عارىشكەردى قۇتتىقتايمىز. سونىڭ ىشىندە ءبىزدىڭ كومپانيانىڭ ۆيتسە-پرەزيدەنتى ايدىن اقان ۇلى ايىمبەتوۆ بار»، - دەپ اتاپ ءوتتى ول.
كومپانيا قىزمەتكەرلەرى توقتار اۋباكىروۆتىڭ، تالعات مۇسابايەۆتىڭ، ايدىن ايىمبەتوۆتىڭ عارىشقا ۇشۋى تۋرالى بەينە جانە فوتوماتەريالداردى دايىنداپ، قازاقستاندىق عارىش تاريحىنا شولۋ جاسادى.
ايدىن ايىمبەتوۆ ارىپتەستەرىنىڭ ءوتىنىشى بويىنشا عارىشقا ۇشۋ كەزىندە ورىن العان قىزىقتى جاعدايلار تۋرالى بايانداپ بەردى.
«مەنىڭ عارىشكەر بولۋ ارمانىم قازاقستاندىقتاردىڭ قولداۋىنىڭ ارقاسىندا ورىندالدى. قازىرگى كەزدە مەن ومىرىمىزگە زاماناۋي عارىش تەحنولوگيالارىن ەنگىزىپ وتىرعان كومپانيادا قىزمەت اتقارىپ وتىرمىن. مەن ءوز ەڭبەگىممەن قازاقستاندىق عارىشتى دامىتۋ سالاسىنا ۇلەس قوسا الاتىنىما باقىتتىمىن»، - دەدى قىزمەتتەستەرىن مەرەكەمەن قۇتتىقتاعان ا. ايىمبەتوۆ.
اتاۋلى داتانىڭ قۇرمەتىنە «قازاقستان عارىش ساپارى» ۇ ك» ا ق- نىڭ عارىش تەحنولوگيالارى جونىندەگى ۆيتسە-پرەزيدەنتى ا. ايىمبەتوۆ كومپانيا باسشىلىعىنىڭ اتىنان ۇزدىك قىزمەتكەرلەرگە گراموتالار مەن العىسحاتتار تابىستادى.
