بۇركىتشى قازاق قىزى تۋرالى دەرەكتى فيلمنىڭ ەرتەگى نۇسقاسىن تۇسىرمەك - فوتو، كەسكىن
فيلمگە قۇقىقتى ساتىپ الۋ ەرەكشە قادام رەتىندە باعالانۋدا، 20th Century Fox Animation ستۋدياسىنىڭ باسەكەلەسى - Sony ءوزىنىڭ Sony Pictures Classics لەيبلىنىڭ كومەگىمەن دەرەكتى فيلمگە سولتۇستىكامەريكالىق قۇقىقتى ساتىپ الدى. بۇل مامىلە 2 ميلليون دوللار دەڭگەيىندە باعالانۋدا. سونداي-اق لاتىن امەريكاسى، گەرمانيا، اۆستراليا، جاڭا زەلانديا، سكانديناۆيا جانە ازياعا تاراتۋ قۇقىعىن قامتيدى. 20th Century Fox Animation رەمەيك ءتۇسىرىلىمىنىڭ الەۋەتىن قاراستىردى. ستۋديا دەرەكتى فيلم جەلىسىمەن ەرتەگى ءتۇسىرۋدى جوسپارلاۋدا، قازىر كەلىسسوزدەر ءجۇرىپ جاتىر.
رەجيسسەر وتتو بەللدىڭ «The Eagle Huntres» دەرەكتى فيلمى اتا-بابا ءداستۇرىن جالعاستىرىپ، بۇركىتشىلىك كاسىپكە دەن قويعان قازاق قىزى ايشولپان نۇرعايىپ تۋرالى بولماق.
وتتو بەلل ۇلى بريتانيا رەجيسسەرى، ءبىراق نيۋ-يوركتە جۇمىس ىستەيدى. ول 15 كە جۋىق قىسقا مەتراجدى فيلم تۇسىرگەن. ايشولپان اكەسىمەن بىرگە فيلمدى كورسەتۋ ءۇشىن موڭعوليادان ا ق ش- قا بارعان.
