اكادەميك اسقار جۇمادىلدايەۆ شەتەلدىڭ ءبىلىم جۇيەسىنە ەلىكتەگەن ءمينيستردى سىنعا الدى

استانا. قازاقپارات - شەتەلدىكتەردىڭ ءبىلىم جۇيەسى، ءبىلىم ادىستەمەسى تۋرالى پىكىرلەرىنە تىم ەلىكتەۋدىڭ قاجەتى جوق.

اكادەميك اسقار جۇمادىلدايەۆ وسىلاي مالىمدەدى دەپ حابارلايدى الماتى ارناسى.

ونىڭ ايتۋىنشا، قازاقستاندا ءبىلىمنىڭ كوپ سالاسى دامىماعان. وعان ءبىزدىڭ مۇمكىنشىلىكتەرىمىزدىڭ ازدىعى باستى سەبەپ. سوندىقتان حالىققا، ەكونوميكاعا قاجەت ءبىلىم سالالارىن دامىتۋ كەرەك، ءتىپتى عىلىمعا قارجى قۇيۋ مەحانيزمىن وزگەرتۋ كەرەك.

شەتەلدىك تاجىريبەنى ۇيرەنەر الدىندا كوپ جاعدايدا ۇلتتىق ەرەكشەلىك پەن ەلىمىزدىڭ قاجەتتىلىكتەرى ەسكەرىلە بەرمەيتىندىگىن عالىم باسا ايتتى.

«ونى دامىتۋ مۇمكىن ەمەس. ءبىراق دەگەنمەن شەتەل ايتتى ەكەن دەپ، ارتىنان جۇرە بەرگەنىمىز دۇرىس ەمەس. ويتكەنى ەڭ الدىمەن ءبىز قازاققا نە كەرەك، سونى ۇعىپ الۋىمىز قاجەت. بىزگە قانداي عىلىم كەرەك؟ قانداي باعىت؟ قانداي تەحنولوگيا كەرەك بىزگە؟ سوندىقتان اناۋ ايتتى، مىناۋ ايتتى ەكەن دەۋگە بولمايدى»، - دەدى اكادەميك اسقار جۇمادىلدايەۆ.