22:01, 11 - ءساۋىر 2016 | GMT +5
كوكشەتاۋدا مەشىتكە بارىپ، ۇرلىق جاساعان كۇدىكتى قولعا ءتۇستى
كوكشەتاۋ. قازاقپارات - كوكشەتاۋدا مەشىتكە بارىپ، ۇرلىق جاساعان كۇدىكتى قولعا ءتۇستى.
بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
پوليتسەيلەردىڭ مالىمەتى بويىنشا، قالالىق ءى ءى ب كەزەكشىلىك بولىمىنە وبلىس ورتالىعى ماڭىنداعى ەلدى مەكەندەردىڭ بىرىندە تۇراتىن 46 جاستاعى ەر ادام حابارلاسقان.
«زارداپ شەگۋشىنىڭ ايتۋىنشا، قالاداعى مەشىتتەردىڭ بىرىندە نامازعا جىعىلىپ جاتقاندا ونىڭ سىرت كيىمىنىڭ قالتاسىنان اقشا، نەسيەلىك كارتا، قۇجاتتار سالىنعان ءاميانىن بەلگىسىز بىرەۋ جىمقىرىپ كەتكەن. جەدەل- ىزدەستىرۋ شاراسى بارىسىندا 24 جاستاعى جىگىت قولعا ءتۇستى»، دەپ كورسەتىلگەن حابارلامادا.
قازىرگى كەزدە كۇدىكتىدەن ەشقايدا كەتپەۋ جونىندە قولحات الىنىپ، ق ر ق ك 188-بابى بويىنشا قىلمىستىق ءىس قوزعالدى.
اۆتور: اسلان وسپانوۆ
