14:21, 11 - ءساۋىر 2016 | GMT +5
ج. ۇشكەمپىروۆتىڭ جۇلدەسى ءۇشىن وتەتىن تۋرنير حالىقارالىق مارتەبەگە يە بولدى
استانا. قازاقپارات - وليمپيادا چەمپيونى جاقسىلىق ۇشكەمپىروۆتىڭ جۇلدەسى ءۇشىن وتەتىن تۋرنير حالىقارالىق مارتەبەگە يە بولدى.
بيىل العاشقى حالىقارالىق تۋرنير 5-6 -مامىر كۇندەرى تالدىقورعاننىڭ «جاستار» سپورت سارايىندا وتەدى.
دەرەككوزىنە سۇيەنسەك، تۋرنيرعا رەسەي، گرۋزيا، تۇركيا، قىرعىزستان مەن وزبەكستاننىڭ پالۋاندارى قاتىساتىنىن راستاعان. ال، قازاقستان تاراپىنان بارلىق وبلىستاردان گرەك-ريم كۇرەسى بويىنشا مىقتى سپورتشىلاردىڭ بارلىعى تارتىلادى دەپ كۇتىلۋدە.
حالىقارالىق مارتەبەگە يە بولعان سوڭ، تۋرنير ەندى جىل سايىن تالدىقورعان قالاسىندا ۇيىمداستىرىلىپ وتىرادى. بۇرىن، كۇرەس ءتۋرنيرى قازاقستاننىڭ ءاربىر قالاسىندا رەسپۋبليكا دەڭگەيىندە عانا وتەتىن.
اۆتور: كەنجەكەي توقتامۇرات قىزى
