ا ق ش- تا يتتەرگە ارنالعان ءدامحانا اشىلدى
دەپ حابارلايدى 24.kz تەلەارناسى.
مۇندا كەلۋشىلەر تەك شاي مەن كوفە ءىشىپ قانا قويماي، وسىندا يتتەرىن ويناتۋعا مۇمكىندىك الادى.
ءدامحانا يەسى سارا ۆولفگانگ وسىلايشا قاڭعىباس يتتەر ماسەلەسىنە قوعام نازارىن اۋدارتپاقشى. ءبىر جىل ىشىندە ول 100-دەن استام ءۇي جانۋارىنا قوجايىن تاۋىپ بەرۋدى جوسپارلاپ وتىر. جوبا ءساتتى بولسا سارا بولاشاقتا امەريكانىڭ وزگە دە ءىرى قالالارىندا يتتەرگە ارنالعان ءدامحانا اشۋعا كوزدەپ وتىر.
«مەن وڭتۇستىك كورەيادا تۇردىم. سول جەردە قاڭعىباس يتتەر پانالايتىن ورىندا جۇمىس ىستەدىم. بۇل نىسان جابىلعان كەزدە ەرىكتىلەرمەن بىرىگىپ، بىرنەشە ايدىڭ ىشىندە 120 ءۇي جانۋارىنا قوجايىن تاۋىپ بەردىك. مەنىڭ ءدامحانام سەكىلدى ورىندار كوپتەپ اشىلسا، قاڭعىباس يتتەر سانىن ءبىرشاما ازايتار ەدىك»، دەيدى يتتەرگە ارنالعان كافە يەسى سارا ۆولفگانگ.
