ءبىلىم مينيسترلىگى «بالداۋرەن» ورتالىعىندا بالالار دەمالىسىن ۇيىمداستىرۋ ماسەلەلەرىنە ارنالعان سەمينار وتكىزدى - فوتو

استانا. قازاقپارات - ق ر ءبىلىم جانە عىلىم مينيسترلىگى اعىمداعى جىلدىڭ 7-8- ءساۋىرى كۇندەرى «بالداۋرەن» رەسپۋبليكالىق وقۋ-ساۋىقتىرۋ ورتالىعىندا 2016-جىلعى جازعى دەمالىس كەزىندە بالالار دەمالىسىن قامتاماسىز ەتۋ جانە ۇيىمداستىرۋ ماسەلەلەرىنە ارنالعان رەسپۋبليكالىق سەمينار وتكىزدى.

شاراعا ورتالىق جانە جەرگىلىكتى مەملەكەتتىك ورگاندارداردىڭ، ۇكىمەتتىك ەمەس ۇيىمدار مەن جەكە كومپانيالاردىڭ ءبىلىم بەرۋ باسقارمالارىنىڭ، وبلىستاردىڭ جانە استانا مەن الماتى قالاسى اكىمدىگىنىڭ وكىلدەرى، بالالاردى ساۋىقتىرۋ ورتالىقتارىنىڭ باسشىلارى قاتىستى.

سەميناردىڭ اشىلۋىنا ق ر ءبىلىم جانە عىلىم مينيسترلىگىنىڭ بالالار قۇقىعىن قورعاۋ كوميتەتى باسقارماسىنىڭ باسشىسى گۇلناش قوشقاروۆا مەن «بالداۋرەن» وقۋ-ساۋىقتىرۋ ورتالىعىنىڭ باس ديرەكتورى مۇحيتدين تولەپباي قاتىسىپ، العى ءسوز سويلەدى.

جيىننىڭ جالپى وترىسىندا بالالاردىڭ دەمالىسىن ۇيىمداستىرۋ، ساۋىقتىرۋ جۇمىستارىنداعى بارلىق قىزمەتتەردى ۆەدومستۆوارالىق ۇيلەستىرۋ ماسەلەلەرى قاراستىرىلدى. سەمينار قورىتىندىسىندا ۇسىنىستار ازىرلەندى.