ق ر پرەزيدەنتىنىڭ مانيفەسىندە ايتىلعان وي بۇكىل الەمدىك بەيبىتشىلىك كەپىلى بولادى - ساياساتتانۋشى ەسەنجول الياروۆ

الماتى. قازاقپارات - ق ر پرەزيدەنتىنىڭ مانيفەسىندە ايتىلعان وي بۇكىل الەمدىك بەيبىتشىلىك كەپىلى بولادى.

قازاقپارات اگەنتتىگىنە قازاقستان گۋمانيتارلىق-ساياسي كونيۋنكتۋرا ورتالىعىنىڭ پرەزيدەنتى، ساياسي عىلىمدار دوكتورى، پروفەسسور ەسەنجول الياروۆ وسىنداي پىكىر ءبىلدىردى.

ونىڭ پايىمداۋىنشا، مەملەكەت باسشىسى ايتقان ۇسىنىستىڭ بارلىعى الەمدە بەيبىتشىلىك پەن تىنىشتىق ورناتۋعا كوزدەلگەن.

«ماسەلەن، بىرىنشىدەن، پرەزيدەنت ادامنىڭ اقىل-وي جەتىستىگىن قارۋ جاراققا جىبەرمەۋدى ۇسىندى. عارىشتا، نەيترالدى قىزمەتتە بلوكتاردى قولدانباۋدى ۇسىندى. ءبىر بلوك بولعان سوڭ باسقا ەل دە شوشي باستايدى. «مەنىڭ مەملەكەتىمدى بىرەۋ قيراتپاس ءۇشىن، مەن دە قورعانۋىم كەرەك» دەگەن وي تۋادى. ادامنىڭ اقىل ويى، ماتەريالدى يگىلىكتەرى ءبارى سوعان كەتىپ جاتىر. ن ا ت و-عا كەلسەك، ونىڭ شارتىنىڭ 5-تارماعى بويىنشا ءبىر مەملەكەت سوعىس اشسا، بۇكىل ناتو كىرەدى دەپ تۇر. مۇنىڭ ءوزى اگرەسسيالىق كوزقاراس. وسىنداي كوزقاراستار باسقا مەملەكەتتەرگە تۇرتكى بولادى. بلوك جوق بولسا، اركىمنىڭ وي پىكىرى حالىقارالىق ينستيتۋتاردىڭ ىستەرىنە بايلانىستى شەشىلۋى كەرەك»، - دەدى ساراپشى.

مامان پرەزيدەنتتىڭ ەشبىر تاۋەلسىز ەلدىڭ ىشكى ساياساتىنا ارالاسۋعا بولمايدى دەگەن ويىن قۇپتايتىندىعىن جەتكىزدى

«مەنىڭ ويىمشا، ءارتۇرلى كوزقاراس بولماس ءۇشىن «قازىرگى تاۋەلسىز مەملەكەتتەردىڭ شەكارالارى بۇزىلمايدى» دەپ ب ۇ ۇ قارارىندا جازىلۋى كەرەك. 1944-جىلى ۆەستفال كەلىسىمىندە بۇل كورسەتىلگەن. سوڭعى كەزدەرى بۇل پرينتسيپتەردى ۇستانباي جاتقاندار كوپ. ءبىر مەملەكەتتىڭ ەكىنشىسىنىڭ ىشكى ماسەلەسىنە ارالاسۋى، «دەموكراتيا جوق، ادام قۇقىعى تاپتالىپ جاتىر» دەگەن ۋاجبەن سەپاراتيستەردى قولداۋ بەلەڭ الىپ بارادى. تۇبىندە ازاماتتىق سوعىس سالدارىنان كەلەتىن زارداپ ون ەسە ارتىق بولادى»، - دەدى ول.

ساراپشى سولتۇستىك افريكا، يراك، سيرياداعى جاعدايدى مىسالعا كەلتىردى.

سونداي-اق، 20 جىلدان اسا ۋاقىت كەلە جاتقان ارمەنيا مەن ازەربايجان قاقتىعىستارىنىڭ كۇش الۋىنا وسى سەبەپ بولدى دەدى مامان.

«حالىقارالىق قۇقىقتىق پرينتسيپتەردى ساقتاماۋدىڭ سالدارىنان تۋعان لوكالدى قاقتىعىستار جاھاندىق سوعىسقا دەيىن ۇلاسۋى مۇمكىن. ەكىنشى دۇنيەجۇزىلىك سوعىستا 50 ميليلون ادامدى جوعالتتىق. ەندى توقتاماسا ادام بالاسى ودان ءارى شىعىنعا باتادى. مەنىڭ ويىمشا، نۇرسۇلتان نازاربايەۆ جاڭا الەمدەگى جاڭا ساياسي پروتسەستەردى تولىق يگەرگەنىن كورسەتتى. وعان دالەل - دەر كەزىندە ايتىلعان پرەزيدەنتتىك باستاماسى. ەندى بۇل كوزقاراس تەك باستاما بولىپ قالماي، جۇزەگە اسسا نۇر ۇستىنە نۇر بولار ەدى. تاۋەلسىز ەلدىڭ حالقى ءوز ماسەلەسىن ءوزى شەشۋى كەرەك»، - دەدى ول.

اۆتور: گۇلميرا عوسمانالي