بەلگيادا لاڭكەستىك شابۋىلداردى ۇيىمداستىرعانداردىڭ ءبىرى قولعا ءتۇستى

استانا. قازاقپارات - پاريج بەن بريۋسسەلدە لاڭكەستىك شابۋىلدار ۇيىمداستىرۋشىلاردىڭ سىبايلاسى مۇحامەد ابريني قولعا ءتۇستى، دەپ حابارلادى www.24.kz.

بەلگيا پروكۋراتۋراسىنىڭ مالىمدەۋىنشە، وسى لاڭكەستىك ارەكەتتەرگە قاتىسى بار بىرنەشە ادام قاماۋعا الىنعان. جەرگىلىكتى اقپارات قۇرالدارىنىڭ حابارلاۋىنشا، قىلمىسكەرلەردى اندەرلەحت ايماعىندا تۇتقىنداعان.

ابريني بريۋسسەل اۋەجايىندا جارىلىس جاساعان ەكى جانكەشتىمەن بىرگە بولعان دەگەن كۇدىك بار. ول بەينەكامەرالار ءتۇسىرىپ العان سۋرەتتەگى ءۇشىنشى ادامعا وتە ۇقساس. سونداي-اق بىلتىر قاراشا ايىندا پاريجدە بولعان لاڭكەستىك شابۋىلدار الدىندا دا باقىلاۋ كامەرالارىنا ابريني دە ءتۇسىپ قالعان.