جامبىل وبلىسىنىڭ دەلەگاتسياسى شىنجاڭنىڭ تامشىلاتىپ سۋارۋ جانە دۋالدىق ءبىلىم بەرۋ جۇيەسىمەن تانىستى - فوتو
جامبىلدىقتار ايماقتىق مۋزەيدەگى قىسقاشا ەكسكۋرسيا بارىسىندا قالانىڭ جانە وكرۋگتىڭ تاريحىمەن تانىستى. مۋزەيدەگى ءبىرقاتار تەحنيكالىق شەشىمدەر ك. كوكىرەكبايەۆتىڭ قىزىعۋشىلىعىن تۋعىزدى، ول اكىمدىك قىزمەتكەرلەرىنە ولاردى تاراز قالاسىنداعى مادەنيەت نىساندارىندا پايدالانۋ مۇمكىندىگىن زەردەلەۋگە ناقتى تاپسىرما بەردى.
قازاقستاندىقتار ش ۇ ا ر قۇتىبي ۋەزىندە اۋىل شارۋاشىلىعى ايماعىنىڭ جۇمىسىمەن، تامشىلاتىپ سۋارۋ جۇيەسىنىڭ ناتيجەلىلىگىمەن (سۋارۋدىڭ ارىق جۇيەسىمەن سالىستىرعاندا سۋ شىعىنىن ءۇش ەسە قىسقارتىپ، فەرمەرلەردىڭ كىرىسىن ارتتىرعان) جانە اۋىل شارۋاشىلىعى ءوندىرىسىن مەملەكەتتىك قولداۋ شارالارىمەن تانىستى.
اكىم ك. كوكىرەكبايەۆ اۋىل شارۋاشىلىعى ايماعىنىڭ جانە قۇتىبي ۋەزىنىڭ باسشىلارىن تاجىريبە الماسۋعا جانە پراكتيكالىق ءوزارا ءىس-قيمىلدى جولعا قويۋ ءۇشىن جامبىل وبلىسىنا كەلىپ قايتۋعا شاقىردى.
بۇدان ءارى قىتاي تارابى جامبىل وبلىسىنىڭ دەلەگاتسياسىنا «سيۋيچۋن» كومپانياسىنىڭ ءسۇت ونىمدەرىن كورسەتتى، سونداي-اق ق ح ر- دىڭ بۇكىل سولتۇستىك-باتىس ايماعىنىڭ قاجەتتىگىن قامتاماسىز ەتەتىن كوشەتتەردى جانە گۇلدەردى ءوسىرۋ جونىندەگى بازا قىزمەتىنىڭ اۋقىمىمەن تانىستىردى.
اكىم ك. كوكىرەكبايەۆ جامبىل وبلىسىنىڭ مەركە، جامبىل جانە باسقا دا اۋداندارىنىڭ باقشا جانە گۇل ءوسىرۋ شارۋاشىلىقتارىنا 28- تامىزدا ش ۇ ا ر قۇتىبي ۋەزىندە وتەتىن جىل سايىنعى مامانداندىرىلعان كورمەگە قاتىسۋعا ۇسىنۋدى تاپسىردى.
سانجى كاسىپتىك-تەحنيكالىق كوللەدجىندە بولعان كەزدە جامبىل وبلىسىنىڭ ۋچيليشەلەرىمەن، تەحنيكۋمدارىمەن جانە جوعارى وقۋ ورىندارىمەن ىنتىماقتاستىق پەرسپەكتيۆالارى تالقىلاندى. دەلەگاتسيا مۇشەلەرى قازاق دياسپوراسىنىڭ وكىلدەرى «تەحنولوگيالىق ۇدەرىستەردى جانە وندىرىستەردى اۆتوماتتاندىرۋ» ماماندىعى بويىنشا ءبىرىنشى كۋرستا وقىپ جاتقان ارايمەن جانە زۋحرامەن، سونداي-اق وقىتۋشى گۇلزار بادەلحان قىزىمەن اڭگىمەلەستى.
قازاقستاندىقتارعا سانجى كاسىپتىك-تەحنيكالىق كوللەدجىنىڭ وقۋششىلارى العان بىلىمدەرىن پراكتيكادا قولداناتىن «دۋالدىق وقىتۋ جۇيەسى) وندىرىستىك نىساندار كورسەتىلدى.
بەلگىلى بولعانداي، 2016-جىلدىڭ باسىندا بۇل وقۋ ورنى قورقىت اتا اتىنداعى قىزىلوردا مەملەكەتتىك ۋنيۆەرسيتەتىمەن ارىپتەستىك قاتىناستار ورناتقان بولاتىن - تاراپتار اسپازدىق، دانەكەرلەۋ، ماشينا جاساۋ جانە باسقا دا ماماندىقتار بويىنشا 10 ستۋدەنت الماسقان ەدى.
قازاقستاندىق دەلەگاتسيا قۇرامىندا وبلىس اكىمىنىڭ ورىنباسارى ابدالى نۇراليەۆ، باسپا ءسوز حاتشىسى گۇلبارشىن قۇلانبايەۆا، جامبىل وبلىسى بايزاق (مۇراتحان شوكەيەۆ)، قورداي (قايرات دوسايەۆ) جانە شۋ «(رۇستەم داۋلەت) اۋداندارىنىڭ اكىمدەرى، وبلىستىق اكىمدىكتىڭ اۋىل شارۋاشىلىعى باسقارماسىنىڭ باستىعى نۇرجان نۇرجىگىتوۆ، مادەنيەت باسقارماسى باستىعىنىڭ ورىنباسارى مۇباراك جيناقبايەۆا، تاراز مەملەكەتتىك پەداگوگيكالىق ينستيتۋتىنىڭ (داريا قوجامجاروۆا) جانە تاراز يننوۆاتسيالىق- گۋمانيتارلىق ينستيتۋتىنىڭ (ەربولات ساۋرىقوۆ) رەكتورلارى، «رىسپايەۆا جانە ك» ج ش س ديرەكتورى ساۋلە رىسپايەۆا، «مەركە ىرىمشىك زاۋىتى» ج ش س ديرەكتورى داستان ايتولەنوۆ، سونداي-اق «باپىش- سەيسەنباي» (ساكەن راپىلبەكوۆ)، «ولجا» (بەرىك ەگەمبەرديەۆ)، «زليحا» (نۇرجىگىت بەگالى)، «تالاپ» (ماۋىت فازىلوۆ)، «ناريمان» (باقتىباي ساۋدابايەۆ) شارۋا قوجالىقتارىنىڭ باسشىلارى بولدى.
«انىقتاما. چانتسزي (سانجي) قالاسى - سانجى دۇنگەن اۆتونوميالىق وكرۋگىنىڭ ماڭىزدى كولىك تورابى، ولار ارقىلى شىڭجاڭ سولتۇستىك تەمىر جولى مەن ۋكۋي ماگيسترالى وتەدى. ەجەلگى ۋاقىتتا قالا ۇلى جىبەك جولىنىڭ سولتۇستىك تارماعىنداعى نەگىزگى پۋنكتتەرىنىڭ ءبىرى بولدى.
جامبىل وبلىسى قازاقستان- قىتاي ءوڭىرارالىق ىنتىماقتاستىعىن دامىتۋدىڭ الدىندا كەلەدى. 2015-جىلعى 11-14- قاڭتاردا اكىم كارىم كوكىرەكبايەۆ باستاعان جامبىل وبلىسىنىڭ دەلەگاتسياسى ق ح ر- دىڭ شەنسي پروۆينتسياسىنداعى سيان قالاسىندا بولدى. ساپار قورىتىندىلارىمەن جالپى سوماسى 400 ميلليون دوللارعا جۋىق كەلىسىمدەرگە قول قويىلدى. بىرلەسكەن باستى جوبالار - قىتايلىق «داي» كومپانياسىنىڭ قۋاتى 200 مۆت جەل ەلەكتر ستانساسىن سالۋ، يانلين ۇلگىلى اۋىل شارۋاشىلىعى ايماعىن باسقارۋ كوميتەتىنىڭ جامبىل وبلىسىندا جوعارى تەحنولوگيالىق اگرارلى- يننوۆاتسيالىق پارك قۇرۋ كەلىسىمى بولدى.
تاراز جانە سيان - باۋىرلاس قالالار. وسى جولعى ساپار بارىسىندا جامبىل وبلىسى مەن سانجى اۆتونوميالىق وكرۋگىمەن باۋىرلاستىق بايلانىستار ورناتۋ جوسپارلانۋدا. جامبىل وبلىسى مەن قىتايدىڭ اتالعان وڭىرىمەن اراسىنداعى بايلانىستىرۋشى بۋىن قازاقستان دۇنگەندەرى قاۋىمداستىعى بولماق.
