قازاقستان مەن ا ق ش يادرولىق قاۋىپسىزدىك ماسەلەسىندە ماڭىزدى سەرىكتەس - ءماجىلىس

استانا. قازاقپارات - بۇگىن پارلامەنت ماجىلىسىندە حالىقارالىق ىستەر، قاۋىپسىزدىك جانە قورعانىس كوميتەتىنىڭ ءتوراعاسى ماۋلەن اشىمبايەۆ ا ق ش مەملەكەتتىك دەپارتامەنتىنىڭ تەرروريزممەن كۇرەس بويىنشا ورتالىق ازيا مەن تاياۋ شىعىس بيۋروسى جانە وڭتۇستىك كەڭسەسىنىڭ باسقارما ديرەكتورى كريستوفور لاندبەرگپەن كەزدەستى.

بۇل تۋرالى پالاتانىڭ باسپا ءسوز قىزمەتىنەن حابارلاندى.

جۇزدەسۋ بارىسىندا تاراپتار قازاقستان رەسپۋبليكاسىنىڭ پرەزيدەنتى ن. نازاربايەۆ قاتىسقان ۆاشينگتونداعى يادرولىق قاۋىپسىزدىك جونىندەگى جاھاندىق ءساميتتىڭ ماڭىزىن اتاپ ءوتتى. بۇدان بولەك، اڭگىمە بارىسىندا قازاقستان مەن ا ق ش- تىڭ يادرولىق قاۋىپسىزدىك پەن ونى تاراتپاۋ ماسەلەسىندە ماڭىزدى سەرىكتەس ەكەندىگىنە تاراپتار نازار اۋداردى. سونىمەن قاتار حالىقارالىق كۇن تارتىبىندە تەرروريزمگە قارسىلىق پەن كۇرەس جولىندا ىنتىماقتاستىق ماسەلەلەرى دە ءسوز بولدى.

اۆتور: قانات مامەتقازى ۇلى