ەلباسى بىرنەشە مەملەكەتكە ساپارمەن بارادى
اتاپ ايتقاندا، 11 - 12 -ساۋىردە نۇرسۇلتان نازاربايەۆ پرەزيدەنت حاسان رۋحانيدىڭ شاقىرۋىمەن يران يسلام رەسپۋبليكاسىنا بارادى.
ەكى مەملەكەت باسشىلارى ح. ءرۋحانيدىڭ 2014 -جىلى قىركۇيەكتە استاناعا مەملەكەتتىك ساپارى كەزىندە قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسىن تالقىلايدى دەپ جوسپارلانۋدا. سونىمەن قاتار، ساۋدا- ەكونوميكا، ينۆەستيتسيا، اۋىل شارۋاشىلىعى، كولىك- ترانزيت سالالارىنداعى ىنتىماقتاستىقتى نىعايتۋ جولدارى مەن حالىقارالىق جانە وڭىرلىك قاۋىپسىزدىك سالاسىنداعى ءوزارا ءىس- قيمىل جايى قاراستىرىلادى.
13 - 14 -ساۋىردە قازاقستان پرەزيدەنتى يسلام ىنتىماقتاستىعى ۇيىمىنىڭ XIII سامميتىنە قاتىسۋ ءۇشىن تۇركيا رەسپۋبليكاسىنا بارادى. ءسامميتتىڭ نەگىزگى تاقىرىبى - «بىرلىك پەن ىنتىماق ادىلدىك پەن بەيبىتشىلىك ءۇشىن». ساپار بارىسىندا مەملەكەت باسشىسىنىڭ تۇركيا پرەزيدەنتى رەدجەپ تاييپ ەردوعانمەن كەزدەسۋى جوسپارلانعان. كەزدەسۋ اياسىندا استانا مەن انكارا ىنتىماقتاستىعىنىڭ نەگىزگى باعىتتارى تالقىلاناتىن بولادى. سونىمەن قاتار، سامميت اياسىندا دەلەگاتسيالار باسشىلارىمەن كەلىسسوزدەر وتكىزۋ، سونداي-اق تۇركيانىڭ ىسكەر توپتار وكىلدەرىمەن كەزدەسۋ كوزدەلۋدە.
15 -ساۋىردە نۇرسۇلتان نازاربايەۆ وزبەكستان رەسپۋبليكاسىنا بارىپ، پرەزيدەنت يسلام كارىموۆپەن كەزدەسەدى. كەلىسسوزدەر اياسىندا مەملەكەتتەر باسشىلارى قازاقستان مەن وزبەكستاننىڭ ەكىجاقتى قارىم- قاتىناسىنىڭ نەگىزگى اسپەكتىلەرىن تالقىلايدى دەپ جوسپارلانعان.
