17:37, 07 - ءساۋىر 2016 | GMT +5
بيىل اتىراۋدا رەسەيمەن شەكارالاس تاس جولدىڭ قۇرىلىسى باستالادى - ن. نوعايەۆ
اتىراۋ. قازاقپارات - 2016 -جىلى اتىراۋ - رەسەي فەدەراتسياسىنىڭ شەكاراسى باعىتىنداعى رەسپۋبليكالىق تاس جولدىڭ قۇرىلىسى باستالادى.
بۇل تۋرالى بۇگىن ايماقتىق كوممۋنيكاتسيالار قىزمەتىنىڭ بريفينگىسىندە مەملەكەت باسشىسىنىڭ بەس ينستيتۋتتىق رەفورماسىن ورىنداۋ جونىندەگى «100 ناقتى قادام» ۇلت جوسپارىن جۇزەگە اسىرۋ بارىسى تۋرالى بايانداي كەلە، اتىراۋ وبلىسىنىڭ اكىمى نۇرلان نوعايەۆ ءمالىم ەتتى.
«اتىراۋ- استراحان رەسپۋبليكالىق تراسساسىنىڭ قۇرىلىس جوباسى ءۇش جىلعا ەسەپتەلگەن. جوبا بيىل باستالادى. الدىمەن جولدىڭ 16 شاقىرىمدىق ۋچاسكەسىن سالۋ جوسپارلانىپ وتىر. بۇدان وزگە، جەرگىلىكتى ماڭىزعا يە جولداردى دا، سونىڭ ىشىندە، جاڭا شاعىن اۋداندار مەن قالا سىرتىنداعى كەنتتەردىڭ دە جولدارىن سالامىز. جالپى، 100 شاقىرىم جول توسەلەدى دەگەن جوسپار بار» ، - دەپ حابارلادى اكىم.
اۆتور: كەنجەكەي توقتامۇرات قىزى
