ءا. يسەكەشەۆ: «استانا» قارجى ورتالىعى الاڭىندا ەنەرگيا تيىمدىلىگى قورى قۇرىلادى
«قازاقستانداعى ەنەرگيا تيىمدىلىگىن دامىتۋ جوسپارىنا سايكەس 2016-جىل ەنەرگيا تيىمدىلىگى كورسەتكىشتەرىن سيفرلاندىرۋ باستالادى. اعىمداعى جىلدىڭ وزىندە-اق مەملەكەتتىك ەنەرگەتيكالىق ءتىزىلىمدى، مالىمەتتەردى جيناۋ، وڭدەۋ جانە ساراپتاۋدى قوسا العاندا جۇرگىزىلەتىن ەنەرگيا ءاۋديتى مەن ەنەرگيا تيىمدىلىگى كارتاسىن سيفرلاندىرۋ كوزدەلگەن»، - دەدى مينيستر.
سونىمەن قاتار، ول بيىل ۇلگىلىك ەنەرگيا-سەرۆيستىك كەلىسىمشارتتاردى جۇزەگە اسىرۋ نەگىزىندە مەملەكەتتىك-جەكە سەرىكتەستىك شارتتارى مەن ۇستانىمدارىنا ارنالعان ە س ك و- نىڭ ۇزدىك الەمدىك تاجىريبەلەرىن ۇيلەستىرۋ جانە بەيىمدەۋ جۇرگىزىلەتىندىگىن ايتتى.
«2017-جىلى قازاقستانداعى ەنەرگيا تيىمدىلىگىن دامىتۋدىڭ ماڭىزدى وقيعالارىنىڭ ءبىرى - «استانا» حالىقارالىق قارجى ورتالىعى الاڭىندا ەنەرگيا تيىمدىلىگى قورىن قۇرۋ جانە تىركەۋ بولماق. قازىرگى ۋاقىتتا ءبىز دۇنيەجۇزىلىك بانك پەن ەۋروپالىق قايتا قۇرۋ جانە دامۋ بانكىمەن بىرلەسىپ، ەنەرگيا تيىمدىلىگى قورىنا قارجى قاراجاتىن تارتۋ باعىتىندا جۇمىس ىستەۋدەمىز.
ول ەنەرگيا تيىمدىلىگى كارتاسى جوبالارىن قارجىلاندىراتىن بولادى. استانا قالاسىندا ەكسپو-2017 بۇكىل الەمدىك كورمەسىن وتكىزۋ اياسىندا ينستيتۋت (ۇلتتىق ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى دامۋ ينستيتۋتى) حالىقارالىق قارجى ينستيتۋتتارىنىڭ ەسەبىنەن ەنەرگيا تيىمدىلىگى قورىن كاپيتالداندىرۋدى جوسپارلاۋدا»، - دەدى ءا. يسەكەشەۆ.
ونىڭ ايتۋىنشا، اتالعان ينستيتۋت تيىمدىلىگىنىڭ باستى كورسەتكىشى - ەنەرگيا تيىمدىلىگى كارتاسىنىڭ كەمىندە 100 جوباسىن جۇزەگە اسىرۋ، 20 ميلليارد تەڭگە كولەمىندە ينۆەستيتسيا تارتۋ جانە 2020-جىلعا قاراي ەلدىڭ ج ءى ءو- سىندەگى ەنەرگيا قامتىمدىلىقتى كەمىندە 25 پايىزعا دەيىن تومەندەتۋ بولماق.
ايتا كەتەيىك، ەلوردادا «بيۋدجەتتىك سەكتور مەن شاعىن جانە ورتا بيزنەس كاسىپورىندارىندا ەنەرگيا ۇنەمدەۋ، ەنەرگيا تيىمدىلىگىن ارتتىرۋ جوبالارىنا ينۆەستيتسيالار تارتۋ» تاقىرىبىندا دوڭگەلەك ۇستەل وتىرىسى وتۋدە.
