ن. نازاربايەۆ ازەربايجان مەن ارمەنيا پرەزيدەنتتەرىن تاۋلى قاراباقتاعى احۋالدى ۋشىقتىرماۋعا شاقىردى

استانا. قازاقپارات - ەلباسى نۇرسۇلتان نازاربايەۆ ازەربايجان رەسپۋبليكاسىنىڭ پرەزيدەنتى يلحام اليەۆپەن جانە ارمەنيا رەسپۋبليكاسىنىڭ پرەزيدەنتى سەرج سارگسيانمەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.

قازاقستان پرەزيدەنتى ازەربايجان جانە ارمەنيا باسشىلارىمەن تەلەفون ارقىلى جەكە-جەكە سويلەستى.

ەكى ەلدىڭ كوشباسشىلارىمەن اڭگىمە بارىسىندا نۇرسۇلتان نازاربايەۆ تاۋلى قاراباق ايماعىندا تاياۋدا بولعان وقيعا بارىسىندا قاراپايىم ادامدار مەن اسكەري قىزمەتىشلەردىڭ قازا بولۋىنا بايلانىستى كوڭىل ايتتى.

قازاقستان پرەزيدەنتى ەكى ەل باسشىلارىن تاۋلى قاراباقتاعى احۋالدى ۋشىقتىرماۋعا جانە بەيبىت كەلىسسوزدەردى حالىقارالىق قۇقىققا تولىق سايكەستىكتە قايتا قالپىنا كەلتىرۋگە شاقىردى. بۇل رەتتە ە ق ى ۇ- نىڭ مينسك توبىنا ايرىقشا ءرول بەرىلەدى.

 سونداي- اق ەكىجاقتى ىنتىماقتاستىقتىڭ ءبىرقاتار ماسەلەلەرى تالقىلاندى.