ە. دوسايەۆ قازاقستانداعى يندۋستريالدىق رەفورما ناتيجەلەرى جايىندا ايتىپ بەردى

استانا. قازاقپارات - بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ق ر ۇلتتىق ەكونوميكا ءمينيسترى ەربولات دوسايەۆ قازاقستانداعى يندۋستريالدىق رەفورما ناتيجەلەرى جايىندا ايتىپ بەردى.

«ەكونوميكالىق ىنتىماستىق جانە دامۋ ۇيىمى ستاندارتتارىنا سايكەس كەلەتىن ينۆەستيتسيالىق احۋالدى قالىپتاستىرۋ ءۇشىن 2016 -جىلعى 1 - قاڭتاردان باستاپ، ينۆەستورلارعا 350 دەن استام مەملەكەتتىك قىزمەت كورسەتۋگە ارنالعان « ءبىر تەرەزە» ىسكە قوسىلدى. ينۆەستورلاردى تارتۋ ماسەلەلەرى جونىندەگى ۇكىمەتتىك كەڭەس قۇرىلدى. وسىعان ۇقساس كەڭەستەر اكىمدەردىڭ باسشىلىعىمەن بارلىق وڭىرلەردە قۇرىلىپ، ح ق ك و- لاردا ينۆەستورلارعا قىزمەت كورسەتۋ سەكتورلارى اشىلدى» ، - دەدى مينيستر.

 سونىمەن قاتار، ونىڭ اتاپ وتۋىنشە، وتكەن جىلى «زاكىرلىك ينۆەستورلار» مەن ترانسۇلتتىق كومپانيالاردىڭ (Tikkurila, General Electric, Halliburton, JAC) قاتىسۋىمەن جالپى سوماسى 130 ميلليون ا ق ش دوللارىنا 4 جاڭا ءوندىرىس ىسكە قوسىلىپ، جالپى سوماسى 113 ميلليون  ا ق ش دوللارىنا 6 كومپانيا (Danone, LG Electronics, Galaksi Group, BTM Group, Lotte Group, Coca-Cola) كەرى ينۆەستيتسيالاندى.

«فارماتسيەۆتيكادا، اگروونەركاسىپتىك كەشەندە، تاۋ- كەن- مەتاللۋرگيا كەشەنىندە، حيميا ونەركاسىبى مەن قۇرىلىس ماتەريالدارى وندىرىسىندە «زاكىرلىك ينۆەستورلار» مەن تۇك قاتىسۋىمەن 2,2 ميلليارد  ا ق ش دوللارىنا 16 جوبانى تارتۋ مەن ىسكە اسىرۋ بويىنشا جۇمىستار جۇرگىزىلدى» ، - دەدى ە. دوسايەۆ.

 

اۆتور: مارلان جيەمباي