بەيجىڭدە ءمايىت كۇلىن تەڭىزگە شاشۋ كەڭىنەن تارالىپ كەلەدى

استانا. قازاقپارات - 1994 - جىلدىڭ مامىرىنان دۇنيەدەن وزعان 13700- دەن استام بەيجىڭ تۇرعىنى ءمايىتىنىڭ كۇلى تەڭىزگە شاشىلدى.

 بۇل تۋرالى شينحۋا «جەنمين جيباو» گازەتىنە سىلتەمە جاساپ حابارلادى.

ۇكىمەت زيراتتارداعى ورىندى ۇنەمدەپ، جەرلەۋدىڭ ەكولوگيالىق ءادىسىن پايدالانۋعا ىنتالاندىرۋى دا كۇلدى تەڭىزگە شاشۋدىڭ كەڭ ەتەك جايۋىنا سەپتەستى.

 2015 -جىلى بەيجىڭدىك جەرلەۋ قىزمەتىن كورسەتەتىن ورتالىق 2000-نان استام قايتىس بولعان ادام ءمايىتىنىڭ كۇلىن تەڭىزگە شاشتى. بۇل 2012 - جىلعى كورسەتكىشتەن ەكى ەسە كوپ، دەلىنگەن «جەنمين جيباو» ماقالاسىندا.

ورتالىق ديرەكتورى ۆان دەدۋننىڭ سوزىنە قاراعاندا، باستاپقىدا قىتايلىقتار ءۇشىن بۇل جات بولعان. دەگەنمەن كوپشىلىگى قارجى سەبەپتەرىنە بايلانىستى وسى ءادىستى تاڭداسا، كەي بەيجىڭدىكتەر قورشاعان ورتانى قورعاۋ ءۇشىن وسىنداي ارەكەتكە بارادى، دەپ قوستى ول.

 2009 -جىلدان باستاپ اتالعان قىزمەت تەگىن كورسەتىلەدى.