ەلباسى چان داي كۋانگتى ۆەتنام پرەزيدەنتى لاۋازىمىنا سايلانۋىمەن قۇتتىقتادى

 استانا. قازاقپارات - قازاقستان پرەزيدەنتى نۇرسۇلتان نازاربايەۆ چان داي كۋانگتى ۆەتنام سوتسياليستىك رەسپۋبليكاسىنىڭ پرەزيدەنتى لاۋازىمىنا سايلانۋىمەن قۇتتىقتادى، دەپ حابارلايدى اقوردانىڭ باسپا ءسوز قىزمەتى.

قازاقستان پرەزيدەنتى ەكى ەلدىڭ اراسىنداعى ىنتىماقتاستىق كوپتەگەن سالالاردا جۇيەلى تۇردە نىعايىپ كەلە جاتقانىن قاناعاتتانۋشىلىقپەن اتاپ ءوتتى.

مەملەكەت باسشىسى قازاقستان مەن ۆەتنام اراسىنداعى دوستىق پەن ءوزارا تۇسىنىستىك قارىم- قاتىناستارعا نەگىزدەلگەن ءتيىمدى بايلانىستار ەكى رەسپۋبليكانىڭ يگىلىگى ءۇشىن قارقىندى دامي بەرەتىنىنە سەنىم ءبىلدىردى.

نۇرسۇلتان نازاربايەۆ چان داي كۋانگكە مىقتى دەنساۋلىق، قىزمەتىنە تابىس، ال دوستاس ۆەتنام حالقىنا باق-بەرەكە تىلەدى.