قازاقستاندا اۋە قورعانىسى كۇشتەرىنىڭ بولىمشەلەرىنە ارنالعان جاڭا عيماراتتار سالىنىپ جاتىر - فوتو

استانا. قازاقپارات - جەكە قۇرامنىڭ جاۋىنگەرلىك داعدىسىنىڭ دەڭگەيىن، قارۋ- جاراق پەن اسكەري تەحنيكانىڭ جاي- كۇيىن، اسكەري قىزمەتشىلەردىڭ ماتەريالدىق- تەحنيكالىق قامتاماسىز ەتىلۋى مەن مورالدىق- پسيحولوگيالىق جاي- كۇيىن تەكسەرۋ ءۇشىن

 اۋە قورعانىسى كۇشتەرىنىڭ باس قولباسشىسى اۆياتسيا گەنەرال- مايورى نۇرلان ورمانبەتوۆتىڭ باسشىلىق ەتۋىمەن اسكەري بولىمدەردىڭ كەشەندى تەكسەرىلۋى وتكىزىلدى، دەپ حابارلادى قر قورعانىس مينيسترلىگىنىڭ باسپا ءسوز قىزمەتىنەن.

 قازاقستان رەسپۋبليكاسى قارۋلى كۇشتەرىنىڭ وكىلدەرى جەزقازعان قالاسىنداعى راديولوكاتسيالىق روتاعا ارنالعان جاڭا كەشەندى عيماراتتىڭ سالىنۋى بارىسىن تەكسەردى.

 «اسكەري بولىمدەر مەن گارنيزونداردىڭ كۇردەلى جانە اعىمداعى جوندەلۋى جوسپارىنا سايكەس، بۇگىنگى تاڭدا جاڭا كەشەندى عيماراتتىڭ قۇرىلىسى اياقتالىپ تا قالدى. جاڭا عيماراتقا شتابتىڭ، اسحانانىڭ، رەجىمدى وبەكتىلەردىڭ، مەديتسينالىق پۋنكتى مەن كازارمانىڭ ورىنجايلارى كىرەتىن بولادى. سونداي- اق، قاراۋىلدىق ءۇي- جاي مەن باقىلاۋ- وتكىزۋ پۋنكتى تۇرعىزىلىپ، قورشاۋ جاسالادى. كەشەندى عيماراتتى پايدالانۋعا بەرۋ 2016 -جىلعى مامىر ايىنىڭ سوڭىندا جوسپارلانىپ وتىر»، - دەپ «اسكەري قۇرىلىس» ا ق- تىڭ وكىلى دانيا ماماتوۆ اتاپ ءوتتى.

 كەشەندى كوميسسيا جەزقازعان،  قىزىلوردا، تاراز، جەتىگەن جانە بالقاش قالالارىندا ورنالاسقان اسكەري بولىمدەرگە بارعانىن ايتا كەتەيىك.

ودان باسقا، اۋە قوزعالىسىن باسقارۋ باس ورتالىعى مەن قىزىلوردا شاھارىنداعى جەكەلەگەن راديولوكاتسيالىق روتا تەكسەرىلدى.