دەنساۋلىق ادامنىڭ ءومىر سالتىنا بايلانىستى - ا. قۇرمانبايەۆا
بۇل تۋرالى بۇگىن باسپا ءسوز ءماسليحاتىندا استانا قالاسىنىڭ سالاۋاتتى ءومىر سالتىن قالىپتاستىرۋ ورتالىعىنىڭ اتقارۋشى ديرەكتورى اقمارال قۇرمانبايەۆا ءمالىم ەتتى.
«س ءو س ماماندارىنىڭ كەلتىرگەن مالىمەتتەرى بويىنشا، دەنساۋلىقتىڭ 50 پايىزى ادامنىڭ ءومىر سالتىنا بايلانىستى، 20-23 پايىزى تۇقىم قۋالاۋشىلىق فاكتورعا تاۋەلدى، 20-25 پايىزى قورشاعان ورتا مەن ەكولوگياعا، 8-10 پايىزى ۇلتتىق دەنساۋلىق ساقتاۋ جۇيەسىنىڭ جۇمىسىنا بايلانىستى»، - دەيدى ا. قۇرمانبايەۆا.
قازاقستاندا حالىق دەنساۋلىعىن قالىپتاستىرۋدىڭ باستى باعىتى سالاۋاتتى ءومىر سالتىن ۇستاۋ بولۋى ءتيىس، دەپ ەسەپتەيدى ساراپشى.
ايتا كەتەيىك، جامان ادەتتەر، تەمەكى شەگۋ، الكوگولدىك ىشىمدىكتەر ءىشۋ، سالاۋاتتى ءومىر سالتىن ۇستانباۋ ادامنىڭ ءومىرىن شامامەن 15 جاسقا قىسقارتادى.
استانا قالاسى دەنساۋلىق ساقتاۋ باسقارماسىنىڭ مالىمەتتەرى بويىنشا، ەلوردادا 117 مىڭنان استام وقۋشى بار. باسقارما وقۋشىلاردىڭ نەگىزىنەن قانداي اۋرۋلارعا شالدىعاتىندىقتارىن انىقتاعان. ولاردىڭ دەنساۋلىعىنا جاسالعان تەكسەرىستەردىڭ ناتيجەلەرى بويىنشا، ءبىرىنشى ورىندا وكپە، دەم الۋ ورگاندارىنىڭ اۋرۋلارى تۇر. ەكىنشى - اس قورىتۋ جۇيەلەرىنىڭ اۋرۋلارى. ءۇشىنشى ورىندا - كوز اۋرۋلارى، ءتورتىنشىسى - جۇيكە جۇيەسىنىڭ اۋىتقۋى، بەسىنشىدە - قان اۋرۋلارى، انەميا سىندى كەمشىلىكتەر انىقتالعان.
اۆتور: جاسۇلان جولدىبايەۆ
