ادامنىڭ جازۋى ارقىلى مىنەزىن انىقتاۋعا بولادى
ادامنىڭ جازۋى ارقىلى ونىڭ مىنەزىن وڭاي انىقتاۋعا بولادى.
«ءبىز ءوزىمىزدىڭ تانىم- تۇيسىگىمىزدە كوركەم جازاتىن ادامداردى دۇنيەگە كوزقاراسى كەڭ جانە اسا سەزىمتال دەپ ويلايمىز. الايدا، بۇل جاڭساق پىكىر. كەرىسىنشە، تۇسىنىكسىز جازاتىن ادامداردىڭ ماقساتىنا تالپىنىسى جوعارى، ينتەللەكتۋال بولىپ كەلەدى»، دەيدى پسيحولوگ ايمان ىسقاق.
باسقى ارىپتەردىڭ ورنەكتەلىپ، ەرەكشە جازىلۋى وزىنە كوڭىل اۋدارتۋدى قالايتىندارعا ءتان. تولقىندى ارىپتەر قيالي ادامداردا، داپتەردىڭ شەتكى سىزىعىنا دەيىن جەتكىزىپ جازۋ تالاپشىل جانداردا ءجيى بايقالادى.
سونداي- اق، گرافولوگ ماماندار ادام مىنەزىن ارىپتەرىنىڭ ولشەمىنە قاراي دا تانۋعا بولاتىنىن ايتادى.
مايدا جازۋ ۇلگىلەرى ادامنىڭ ۇياڭ، ءبىراق، كەز كەلگەن ورتادا ءوزىن جاقسى ۇستاي الاتىندىعىن بىلدىرسە، ورتاشا جازىلعان ارىپتەر سەزىمتالدىلىقتى، ءىرى ارىپتەر ول ادامنىڭ وپتيميست ەكەندىگىن كورسەتەدى.
جازۋعا قاراپ مىنەزدى انىقتاۋدىڭ وزگە دە سىرى تۋرالى «قازاقستان» ارناسىنىڭ «تاڭشولپان» باعدارلاماسىندا ايتىلدى.
