جاپونيادا جۇمىستان زورىعىپ قايتىس بولعاندار سانى جيىلەپ كەتتى

استانا. قازاقپارات - جاپونيادا جۇمىستان زورىعىپ ولگەن قىزمەتكەرلەردىڭ سانى ارتۋدا، دەپ جازدى Gazeta.ru Reuters-كە سىلتەمە جاساپ.

جۇمىستان زورىعىپ قازا تابۋعا بايلانىستى تالاپ-ارىزدار سانى جىلىنا ءبىر جارىم مىڭ ادامعا دەيىن ارتتى.

ۇلتتىق قورعاۋ كەڭەسىندە «كاروشي» سانى ون ەسە ازايتىلىپ كورسەتىلگەنىن حابارلادى.

«بيلىك سيمپوزيۋم شاقىرتىپ، وسى پروبلەما تۋرالى حابارلاما جاريالايدى. باستىسى جۇمىس ساعاتىن ازايتۋ قاجەت، ۇكىمەت وسى باعىتتا كوپ جۇمىس جۇرگىزۋدە»، - دەپ مالىمدەدى ۇيىم وكىلى حيروشي كاۆاحيتو.

جاپونيا ەڭبەك مينيسترلىگى «كاروشيدىڭ» ەكى ءتۇرى بار ەكەنىن اتاپ وتەدى: زورىعۋعا بايلانىستى جۇرەك-قان تامىرلارى اۋرۋى جانە ءوز-وزىنە قول سالۋ. «كاروشيدەن» قازا تاپقان قىزمەتكەردىڭ ايىنا 100 ساعاتتان كوپ جۇمىس ىستەگەنى انىقتالدى.

بۇدان بۇرىن يرۆيندەگى كاليفورنيا ۋنيۆەرسيتەتىنىڭ عالىمدارى جۇمىس پەن دەنساۋلىق اراسىنداعى بايلانىستى انىقتاعان بولاتىن.