17:13, 04 - ءساۋىر 2016 | GMT +5
وتىرارلىق سپورتشى حالىقارالىق جارىستا توپ جاردى
استانا. قازاقپارات - موڭعوليا رەسپۋبليكاسىندا وتكەن توعىزقۇمالاقتان حالىقارالىق «باي ولكە-2016» اتتى جارىسىندا ەلىمىزدىڭ ۇلتتىق قۇراماسى اتىنان شىققان وتىرارلىق ماحان داستان وق بويى وزا شاۋىپ، ءبىرىنشى ورىن الدى.
جەرلەسىمىز موڭعوليا جەرىندە ەلىمىزدىڭ كوك بايراعىن جەلبىرەتىپ، ءانۇرانىمىزدىڭ ايبىنىن اسقاقتاتتى.
سونداي-اق، ورال قالاسىندا توعىزقۇمالاقتان جاسوسپىرىمدەر اراسىندا وتكەن ەل بىرىنشىلىگىندە مىرزاحمەت شىڭعىس پەن سەيىتجاپپار نۇرسايا وتىرار اۋدانىنىڭ نامىسىن قورعاپ، ەكىنشى ورىندى يەلەندى، دەپ حابارلايدى و ق و اكىمىنىڭ باسپا ءسوز قىزمەتى.
توعىزقۇمالاق - قازاقتىڭ ۇلتتىق ويىنى. ياعني، جاستارىمىزدىڭ ءداستۇرلى ۇلتتىق ويىندارمەن سۋسىنداپ جۇرگەنى - ەلدىگىمىزدىڭ كەلەشەگىنە دەگەن نىق سەنىمدى ارتتىرارى انىق.
