ن. نازاربايەۆ پەن ر. كاسترو دەنساۋلىق ساقتاۋ، فارماتسيەۆتيكا جانە بيوتەحنولوگيا سالالارىنداعى ءوزارا ءىس-قيمىلدى تالقىلادى
كەزدەسۋ بارىسىندا مەملەكەت باسشىلارى ەكىجاقتى ىنتىماقتاستىقتى، ساۋدا-ەكونوميكالىق ىقپالداستىقتى، ءبىلىم، مادەنيەت، سپورت، اۋىل شارۋاشىلىعى سالالارىنداعى بايلانىستاردى كەڭەيتۋ جانە ساياسي ديالوگتى جالعاستىرۋ ارقىلى نىعايتۋ جولدارىن تالقىلادى.
نۇرسۇلتان نازاربايەۆ پەن راۋل كاسترو دەنساۋلىق ساقتاۋ، فارماتسيەۆتيكا جانە بيوتەحنولوگيا سالالارىنداعى ءوزارا ءىس-قيمىل ماسەلەلەرىنە ارنايى توقتالدى. وسى سالادا قازاقستاندىق جانە كۋبالىق مامانداردىڭ تاجىريبە الماسۋ قاجەتتىلىگى اتاپ ءوتىلدى.
تاراپتار حالىقارالىق كۇن تارتىبىندەگى وزەكتى ماسەلەلەردى دە تالقىلادى. ەلباسى ب ۇ ۇ قاۋىپسىزدىك كەڭەسىنىڭ 2017-2018-جىلدارداعى تۇراقتى ەمەس مۇشەسىن سايلاۋ بارىسىندا قازاقستاننىڭ كانديداتۋراسىن كۋبانىڭ قولداۋى تۇرعىسىنان قول جەتكەن ۋاعدالاستىققا قاناعاتتانۋشىلىق ءبىلدىردى.
