جۇلدىزدار كۇلكى كۇنىندە قالاي الدادى
الايدا، ونىڭ تەك بىرنەشە ءتۇرى عانا ەل اراسىندا بەلگىلى. ولار - جىميۋ، ەزۋ تارتۋ، قارقىلداۋ، مىسقىلداۋ، جىرقىلداۋ. ال، انشىلەردىڭ كۇلكىلەرى سولاردىڭ قاي تۇرىنە جاتادى؟ ونى بىرگە اجىراتىپ كورەيىك.
بۇل تۋرالى "31" ارنا حابارلادى.
تۇرىنە قاراساڭ سىزىلىپ قالعان ءانشى ءارى اكتريسا كامشات جولدىبايەۆانىڭ «تراكتورشىنىڭ ماحابباتى» تەلەحيكاياسىنداعى وبرازى تالايدى كۇلكىگە كومگەن ەدى. الايدا، ءوزى دە ومىردە تالاي ادامدى الداعان. اسىرەسە، جىگىت قاۋىمىن تەز الداپ سوعادى ەكەن.
«سەن شىق ۇيدەن، جوق، سەن شىق ۇيدەن دەيمىز. قۇلاعىمىز قاناپ جاتىر. لاك جاعىپ الدىق. «ويباي ءجۇر كەتتىك بولنيتساعا بارايىق» دەپ الماتىعا قوناققا كەلگەن جىگىتتى الىپ شىقتىق. ءسويتىپ ماشيناسىنا وتىرعىزىپ الامىز دا، قازىر وڭعا، ەندى سولعا دەپ ءوزىمىز تۇراتىن اۋدانىمىزدى ارالاتتىق. ونىڭ ەسىنە ەشتەڭكە كەلىپ وتىرعان جوق، ول بارىنە سەنىپ وتىر»، - دەيدى ءانشى كامشات جولدىبايەۆا.
ساحنادا تەك ءان سالىپ قانا قويماي، وعان قوسا جۇلقىنىپ تۇرىپ ءبي بيلەپ ەرەكشەلەنەتىن «الاش ۇلى» توبى وزدەرىنىڭ كەيبىر ەبەدەيسىز قىلىقتارىمەن حالىق الدىندا تالاي كۇلكىگە قالا جازداعان. بۇل تۋرالى «مەيرامحانا كىشكەنتاي ەكەن، ول بىزگە تارلىق قىلىپ تۇردى. ازىمبەك وڭ جاعىمدا تۇرعان. جۇلقىنىپ ايتىپ جاتقان كەزدە شىنتاعىم ازىمبەكتىڭ قولىنا ءتيىپ، ميكروفون ۇستەلدىڭ استىنا ءتۇسىپ كەتتى. مەنىڭ پارتيام بىتكەنشە قالاي دا ۇلگەرۋى كەرەك بولدى. ۇستەلدىڭ استىنا كىرىپ ميكروفوندى جوندەپ الدى. ارتىنشا ۇستەلدىڭ استىنان اتىپ شىعىپ ءان ايتتى.
وسى وقيعادان كەيىن توپ مۇشەلەرى ساحنادا، تويدا بولسىن، ءبىر بىرىنە اسا جاقىن تۇرماۋعا تىرىساتىن بولعان.
ال، ەلگە «كۇلمەس حانشايىم» بولىپ تانىلعان ءانشى بايان نۇرمىشەۆا ەرلان ورىنباساروۆقا تۇرمىسقا شىققالى بەرى، ءازىل مەن قالجىڭنان كوز اشپاي كەلەدى. ەرلاننىڭ شامادان تىس الدايتىنى سونشا، بايان ۇيىنە ۇرى تۇسكەن كۇندە دە سەنبەيتىندەي دارەجەگە جەتكەن.
- ءۇيدى ءبىر رەت توناعان كەزدە، مەن تەلەفونىمدى ەرلاننان سۇرادىم. تەلەفونىم قايدا دەپ، سوندا ءبىزدىڭ ۇيگە ۇرى تۇسكەن دەگەن كەزدە مەن سەنبەي قويدىم. سەن قالجىڭداپ جاتىرسىڭ، ويناپ جاتىرسىڭ دەپ قويامىن. وسىلايشا سەنبەي قويعانىم بار، - دەيدى بايان نۇرمىشەۆا.
ءتىپتى، سوڭعى بەينەبايانىن تۇسىرگەن كەزدە وپەراتورلار مەن رەجيسسەرلەردىڭ قارجىسىن تىعىپ قويعان. ءسويتىپ، ەرلان باياندى تاعى دا ارى- بەرى سەندەلتكەن.
اكتەر اسقار نايمانتايەۆ ءۇشىن كۇندە كۇلكى كۇنى. ەلدىڭ ءبارى ودان تەك ءازىل كۇتەدى. سوندىقتان بولار، ءبىر كۇن ءازىل ايتپاسا باسىنىڭ ساقيناسى ۇستاپ قالا بەرەدى ەكەن.
- گيتەكەڭدى الداۋدى ۇناتامىز. قاتتى جاڭبىر جاۋعان كۇنى، ماشيناسى ءوشىپ قالىپتى، ىشىندە تولعان بالا- شاعا. ۇلانعا زۆونداپ شاقىرعان، ونى نەگە وتالماي تۇرعانىن تۇسىنسە دە، تۇسىنبەگەن بولىپ مۇحاڭنىڭ ماشيناسىن تالعارعا دەيىن تروسپەن سۇيرەتىپ اپاردى، - دەيدى اسقار نايمانتايەۆ.
بۇگىندە اكتەر «بارەكەلدى» ءازىل- سىقاق تەاترىنىڭ اكتەرى. جاڭا ىزدەنىس ۇستىندە.
سەيىت كەنجەاحمەت ۇلىنىڭ سوزىمەن ايتاتىن بولساق، «كۇلدىرە ءبىلۋ - ونەر، كۇلە ءبىلۋ - ءومىر، ال كۇلكى بولۋ - ءولىم» دەگەن ەكەن.
ەستەرىڭىزگە سالا كەتسەك، ماقپال يسابەكوۆانىڭ ينستاگرامدا ەرتەگى ايتىپ ازىلدەيمىن دەپ كۇلكىگە قالعانى تۋرالى حابارلاعان بولاتىنبىز.
