ەلباسى جاپونيا پرەمەر-مينيسترىمەن ىنتىماقتاستىقتىڭ نەگىزگى باعىتتارىن تالقىلادى
كەزدەسۋ بارىسىندا تاراپتار ەكىجاقتى ىنتىماقتاستىقتىڭ، سونىڭ ىشىندە ساۋدا-يەكونوميكالىق، ساياسي جانە مادەني-گۋمانيتارلىق سالالارداعى ءوزارا ءىس-قيمىلدىڭ نەگىزگى باعىتتارىن تالقىلادى.
نۇرسۇلتان نازاربايەۆ س.ابيەنىڭ تاياۋدا استاناعا جاساعان ساپارى قازاقستان مەن جاپونيا قارىم-قاتىناسىن جاڭا ساپالى دەڭگەيگە كوتەرگەنىن، قول جەتكەن ۋاعدالاستىقتاردى جۇزەگە اسىرۋ تۇرعىسىنان ەكى ەل ۇكىمەتتەرىنىڭ بۇگىندە بەلسەنە جۇمىس ىستەپ جاتقانى سونىڭ ايعاعى ەكەنىن اتاپ وتتى.
مەملەكەت باسشىسى بۇگىنگى سامميتتىڭ تاقىرىبى يادرولىق قارۋ سىناعىنان زارداپ شەككەن ەكى ەل حالقىنا دا جاقىن ەكەنىنە، سول سەبەپتى قازاقستان مەن جاپونيانىڭ جاھاندىق انتيادرولىق قوزعالىستاعى ۇستانىمدارىنىڭ دا ۇقساس ەكەنىنە نازار اۋداردى.
نۇرسۇلتان نازاربايەۆ پەن قازاقستان حالقىن جاپونيا پرەمەر-ءمينيسترى الداعى تاۋەلسىزدىكتىڭ 25 جىلدىعىمەن جانە پارلامەنت ءماجىلىسى سايلاۋىنىڭ تابىستى وتۋىمەن قۇتتىقتادى.
س.ابيە قازاقستان-جاپونيا بايلانىستارىنىڭ بەلسەندىلىگى ارتىپ كەلە جاتقانىنا دا ريزاشىلىق ءبىلدىردى
