ق ر پرەزيدەنتى ۆاشينگتوندا ءبىرقاتار شەتەلدىك دەلەگاتسيالار باسشىلارىمەن كەلىسسوز جۇرگىزدى

استانا-ۆاشينگتون. قازاقپارات - يادرولىق قاۋىپسىزدىك جونىندەگى سامميت اياسىندا قازاقستان پرەزيدەنتى  ءبىرقاتار شەتەلدىك دەلەگاتسيالار باسشىلارىمەن كەلىسسوز جۇرگىزدى،

 دەپ حابارلايدى اقوردانىڭ باسپاءسوز قىزمەتى.

فينليانديا رەسپۋبليكاسىنىڭ پرەزيدەنتى ساۋلي نيينيستيومەن كەزدەسۋدە مەملەكەتتەر باسشىلارى اۋىل شارۋاشىلىعى سالاسىنداعى ىنتىماقتاستىق، ءبىلىم بەرۋ سالاسىنداعى ءوزارا ءىس-قيمىلدى نىعايتۋ، سونداي-اق يننوۆاتسيا ەنگىزۋ سالاسىنداعى بىرلەسكەن قىزمەت ماسەلەلەرىن تالقىلادى.

نۇرسۇلتان نازاربايەۆ سونداي-اق ماجارستان پرەمەر-ءمينيسترى ۆيكتور وربانمەن كەلىسسوز جۇرگىزدى. بۇل رەتتە ۆ.ورباننىڭ بىلتىر ساۋىردە استاناعا ساپارىندا جاسالعان ەكىجاقتى ۋاعدالاستىقتاردى جۇزەگە اسىرۋ جانە اگروونەركاسىپ كەشەنىندەگى ىنتىماقتاستىق جايى اڭگىمە ارقاۋىنا اينالدى.

قىتاي حالىق رەسپۋبليكاسىنىڭ ءتوراعاسى شي جينپينمەن كەزدەسۋدە مەملەكەتتەر باسشىلارى شانحايدا بيىلعى قىركۇيەكتە وتكىزۋ جوسپارلانعان، نۇرسۇلتان نازاربايەۆ قۇرمەتتى قوناق رەتىندە شاقىرىلىپ وتىرعان «G20» ءسامميتى جايىن تالقىلادى. 

سونىمەن قاتار قازاقستان پرەزيدەنتى تۇركيا پرەزيدەنتى ر.ەردوعانمەن، ازەربايجان پرەزيدەنتى ي.اليەۆپەن، يوردانيا كورولى 2 ابداللامەن، ۋكراينا پرەزيدەنتى
پ.پوروشەنكومەن، ارمەنيا پرەزيدەنتى س.سارگسيانمەن، ليتۆا پرەزيدەنتى د.گريباۋسكايتەمەن كەزدەستى