عالىمدار سۋدىڭ ارتىق سالماقتان ارىلۋعا كومەكتەسەدى دەپ سانايدى

استانا. قازاقپارات - ارتىق سالماقتى تاستاۋعا تىرىسقان ادامنىڭ قايسى بولسا دا، بەلگىلى ءبىر كولەمدە سۋ ءىشۋ قاجەتتىگىن بىلەدى. سۇيىقتىقتى كوپ تۇتىنۋدىڭ دا ديەتالىق اسەرى بار.

ا ق ش- تىڭ ۋربان- شامپەينەدەگى يللينوي ۋنيۆەرسيتەتىنىڭ عالىمدارى سۋ ارتىق سالماقپەن كۇرەسۋگە جاردەمدەسەتىنىن، قانتتىڭ، تۇزدىڭ مايدىڭ، حولەستەريننىڭ مولشەرىن ازايتاتىنىن انىقتادى.

زەرتتەۋ جۇرگىزگەن ماماندار 18300 ەرەسەك ادامعا قاتىستى مالىمەتتەردى تالداعان. دەرەكتەر ەكى كۇندە ءىشىپ- جەگەن تاعامدارى ەسەبىنىڭ ناتيجەسىن قامتيدى. راتسيونى بويىنشا زەرتتەۋ قاتىسۋشىلار 3 تەن 10 كۇنگە دەيىن ەسەپ بەرگەن.

عالىمدار سۋ، شاي، كوفەنى قوسقاندا ءتۇرلى سۋسىندار تۇرىندە، سونداي- اق ءتۇرلى ونىمدەردەن اعزاعا قانشا سۇيىقتىق تۇسكەنىن ەسەپتەدى. ورتاشا ءار قاتىسۋشى كۇنىنە 4 كەسە تازا سۋ ىشكەن.

زەرتتەۋشىلەر قاراپايىم سۋ ىشكەن ادامدار كۇن سايىن 68-205 كالوريا، 78-235 گ تۇز، 21 گ حولەستەرين كەم تۇتىناتىنىن انىقتادى.

عالىمداردىڭ ايتۋىنشا، ءتۇرلى كورسەتكىشتەر جاس جىگىتتەر جانە ورتا جاستاعى ەر ادامداردان جينالعان دەرەكتەردى قوسۋ ەسەبىنەن الىنعانىن اتاپ وتەدى. ناقتى وسى ەكى سانات باسقا ەرەسەك ادامدارعا قاراعاندا، بارىنشا كوبىرەك كالوريا تۇتىنۋعا بەيىم ەكەن، دەپ حابارلايدى الەمدىك ب ا ق.