جاپونيانىڭ بەس تانىمال سۋرەتشىسى ق ر ۇلتتىق مۋزەيىنە تۋىندىلارىن سىيعا تارتتى - فوتو

استانا. قازاقپارات - ق ر ۇلتتىق مۋزەيىنە جاپوندىق بەس سۋرەتشى وزدەرىنىڭ توعىز كارتيناسىن سىيعا تارتتى.

بۇل سىي- سياپات 3-31 - ناۋرىز ارالىعىندا «بەس سۋرەتشى - بەس قۇبىلىس: داستۇرلەر مەن جاڭاشىلدىق» كورمەسى ۇيىمداستىرىلۋىنا وراي جاپوندىق تاراپتىڭ ريزاشىلىعىمەن تابىستالدى.

مياتا ريحەي، ميتامۋرا اريسۋما، سايتو نوريحيكو، ميزوگۋچي بودۋكو جانە كاۆاچي كۋنپەي سەكىلدى سۋرەتشىلەر ەلوردانىڭ ونەر سۇيەر قاۋىمىنىڭ نازارىنا 35 تۋىندىسىن ۇسىندى.

بۇل كورمەدە كالليگرافيا، نيحونگ كوركەم سۋرەتتەرىن، تۋشپەن سالىنعان تۋىندىلاردى، شاعىن مۇسىندەردى، سونداي- اق وزگە دە جاپوندىق ونەردىڭ جەتىستىكتەرىن بايقاۋعا بولادى.

 ق ر ۇلتتىق مۋزەيىنىڭ ديرەكتورى دارحان مىڭباي كورمەگە جاپونيانىڭ ونەردەگى ۇزدىك شەبەرلەرىنىڭ تۋىندىلارى ۇسىنىلعان اتاپ ءوتتى.

«بۇل كورمەنى مادەني ديالوگتىڭ باستاۋى، ەلدەرىمىز مادەنيەتتەرىنىڭ جاقىنداسۋى رەتىندە باعالاپ وتىرمىز. ءوز كەزەگىندە قازاقستان دا جاپونيانىڭ كورمە الاڭدارى مەن مۋزەيلەرىندە ەلىمىزدىڭ سۋرەتشىلەرىن تانىستىرا الادى»، - دەدى ول.

سىيعا تارتىلعان 9 كارتينانىڭ اراسىندا جاپوندىق ج و و رەكتورى مياتا ريەحەيدىڭ دە ەڭبەگى بار. سونىمەن قاتار ول «توكيو-2020» وليمپيادالىق ويىندارى ۇيىمداستىرۋ كوميتەتىنە باسشىلىق ەتۋدە.

ايتا كەتەيىك، بۇل كورمەنى ۇيىمداستىرۋعا جاپون قورى، سۋرەتشىلەردىڭ ازيا- تىنىق مۇحيتتىق قاۋىمداستىعى، جاپونيانىڭ قازاقستانداعى ەلشىلىگى قولداۋ جاسادى.