جىل سوڭىنا دەيىن قازاقستاندا بۇكىل سوت زالدارى بەينە جازۋ جۇيەسىمەن قامتىلادى - م. بەكەتايەۆ

استانا. قازاقپارات - سوت ءىسىن اشىق وتكىزۋ ماقساتىندا سوت زالدارىندا سوت پروتسەستەرىن بەينە جانە تاسپاعا جازۋعا مۇمكىندىك بەرەتىن جاڭا جۇيەمەن جابدىقتاۋ جۇمىسى جالعاسۋدا.

 قازىر وسىنداي جۇيەمەن  1050 زال نەمەسە بارلىق زالداردىڭ 75 پايىزى جابدىقتالعان. بۇل جۇمىس جىل سوڭىنا دەيىن اياقتالادى.

 بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتى الاڭىندا ءوتىپ جاتقان جاڭعىرتۋ جونىندەگى ۇلتتىق كوميسسيا مۇشەلەرىنىڭ باسپا ءسوز ءماسليحاتىندا ق ر پرەزيدەنت  اكىمشىلىگى جەتەكشىسىنىڭ ورىنباسارى مارات بەكەتايەۆ ءمالىم ەتتى.

«زاڭنىڭ ۇستەمدىگىن قامتاماسىز ەتۋ باعىتى بويىنشا رەفورمالاردى ىسكە اسىرۋ تۋرالى بايانداۋعا رۇقسات ەتىڭىزدەر. جىل باسىنان سوت ورگاندارى بەس ساتىلى جۇيەدەن ءۇش ساتىلى جۇيەگە كوشتى. سوت تورەلىگىنە قولجەتىمدىلىكتى جەڭىلدەتۋمەن قوسا، بۇل - ىستەردى سوتتا قاراۋ مەرزىمدەرىن ازايتۋعا مۇمكىندىك بەرەدى.

سوت باقىلاۋىن كۇشەيتۋ جانە ازاماتتاردىڭ قۇقىقتارىن قوسىمشا قورعاۋ ماقساتىندا سوتقا ءتورت تەرگەۋ قىزمەتىنە سانكسيا بەرۋ ۋاكىلەتتىلىكتەرى بەرىلدى.

بۇل - قاراپ تەكسەرۋ، ءتىنتۋ، الۋ جانە جەكە باسىن ءتىنتۋ. جىل باسىنان بەرى بۇلار بويىنشا سوتقا  4715 ماتەريال تۇسكەن.

سوت ءىسىن اشىق وتكىزۋ ماقساتىندا سوت ءماجىلىس زالدارىندا سوت پروتسەستەرىن بەينە جانە تاسپاعا جازۋعا مۇمكىندىك بەرەتىن جاڭا جۇيەمەن جابدىقتاۋ جۇمىسى جالعاسۋدا. ءقازىر وسىنداي جۇيەمەن  1050 زال نەمەسە بارلىق زالداردىڭ 75 پايىزى جابدىقتالعان. بۇل جۇمىس جىل سوڭىنا دەيىن اياقتالادى»، - دەپ حابارلادى م. بەكەتايەۆ.

ءۇش جىل ىشىندە قازاقستانداعى مەملەكەتتىك سوت ورىنداۋشىلارىنىڭ سانى 70 پايىزعا قىسقارادى.

ونىڭ ايتۋىنشا، وتكەن جىلمەن سالىستىرعاندا ازاماتتىق ءىس جۇرگىزۋدە پروكۋروردىڭ قاتىسۋى 35 پايىزعا قىسقارعان. سونداي- اق، جەكە سوت ورىنداۋشىلاردىڭ ۋاكىلەتتىلىكتەرى دە ايتارلىقتاي كەڭەيگەن.

«جىل باسىنان بەرى ەكى جارىم اي ۋاقىتتا جەكەمەنشىك سوت ورىنداۋشىلارعا 250 مىڭ ءىس تۇسكەن. بۇل وتكەن جىلدىڭ سايكەس مەرزىمىمەن سالىستىرعاندا، ەكى ەسە ارتىق كورسەتكىش. ال، ءوز كەزەگىندە، مەملەكەتتىك سوت ورىنداۋشىلار دا وسى جىلدىڭ ەكى ايى ۋاقىتىندا وتكەن جىلدىڭ سايكەس كەزەڭىمەن سالىستىرعاندا ءتورت ەسەگە كەم، ياعني، 47 مىڭ ءىس تۇسكەن. ءۇش جىل ىشىندە مەملەكەتتىك سوت ورىنداۋشىلاردىڭ سانى 70 پايىزعا قىسقارتىلادى»، - دەپ حابارلادى م. بەكەتايەۆ.

ەستەرىڭىزگە سالا كەتەيىك، ق ر پرەمەر- ءمينيسترىنىڭ ورىنباسارى داريعا نازاربايەۆانىڭ قاتىسۋىمەن ءوتىپ جاتقان باسپا ءسوز ءماسليحاتىنىڭ تاقىرىبى - «100 ناقتى قادام» ۇلت جوسپارىن ءىس جۇزىنە اسىرۋ».

اۆتور: كەنجەكەي توقتامۇرات قىزى