د. نازاربايەۆا: قازاقستاندىقتار ۇلت جوسپارىن جۇزەگە اسىرۋدان تۋىندايتىن مۇمكىنشىلىكتەردى ءبىلۋى ءتيىس
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ق ر پرەمەر- ءمينيسترىنىڭ ورىنباسارى داريعا نازاربايەۆا ءمالىم ەتتى.
«ۇلت جوسپارىنىڭ تابىستى جۇزەگە اسىرىلۋى قازاقستانعا دامۋدىڭ جاڭا دەڭگەيىنە كوتەرىلۋگە، ەكونوميكالىق ءوسىم ءۇشىن لايىقتى جاعداي جاساۋعا جانە بارشا قازاقستاندىقتاردىڭ ءومىرىن جاقسارتۋعا مۇمكىندىك بەرەدى. ۇلت جوسپارى كەلەشەكتە قازاقستاندىقتاردىڭ ءومىر ساپاسىن بۇگىنگى ە ى د ۇ ەلدەرىندە ورىن الىپ وتىرعان جوعارى ءومىر دەڭگەيى مەن ستاندارتتارىنا سايكەستەندىرۋگە باعىتتالعان»، - دەدى ۆيتسە- پرەمەر.
سونىمەن قاتار د. نازاربايەۆا ۇلت جوسپارىن جۇزەگە اسىرۋ اياسىندا ەلىمىزدىڭ ءاربىر ازاماتى ءۇشىن الەمنىڭ ەڭ دامىعان ەلدەرىندەگىدەي جاڭا مۇمكىنشىلىكتەر اشىلاتىندىعىن ايتتى.
«سوندىقتان دا بۇل مۇمكىنشىلىكتەر جايىندا قازاقستاندىقتاردىڭ بىلگەنى جانە ونى ءتيىمدى پايدالانا العانى بارىنشا ماڭىزدى»، - دەدى د. نازاربايەۆا ءوز سوزىندە.
اۆتور: مارلان جيەمباي
