گەرولد بەلگەر - قازىرگى زاماننىڭ ناعىز كەيىپكەرى - ا. تەمىربولات
ونىڭ جۇمىسىنا «ليتەراتۋرنايا الما- اتا» الماناعىنىڭ رەداكتورى رايحان بەكتەمىسوۆا، بەلگىلى جازۋشى ۆلاديمير ۆاسيليەۆ، گەرولد بەلگەردىڭ جەسىرى رايسا حيسماتۋللينا، ءبىرقاتار قوعام قايراتكەرلەرى، عالىمدار، دوكتورانتتار، ماگيسترانتتار جانە ستۋدەنتتەر قاتىستى.
«وسكەلەڭ ۇرپاقتى ۇلگى تۇتار تۇلعاسىز تاربيەلەۋ قيىن. ءبىزدىڭ ويىمىزشا گەرولد بەلگەر - قازىرگى زاماننىڭ ناعىز كەيىپكەرى، قاھارمانى. ويتكەنى، ول ۇلتى باسقا بولسا دا جۇرەگى قازاق دەپ سوققان جازۋشى بولدى. كوزى تىرىسىندە تالاي قوعامدىق ماسەلەلەرگە ءۇن قوستى. سولاردىڭ ىشىندە قازاق حالقى مەن قازاق ءتىلىنىڭ تاعدىرى ونى قاتتى مازالايتىن»، - دەدى ءوز سوزىندە ءال- فارابي اتىنداعى قازۇۋ پروفەسسورى، فيلولوگيا عىلىمدارىنىڭ دوكتورى الۋا تەمىربولات.
سونىمەن قاتار، الۋا بەرىكباي قىزى گەرولد بەلگەردىڭ تۋىندىلارىن تەرەڭ فيلوسوفيالىق، پسيحولوگيالىق جانە ەتيكالىق شىعارمالارعا جاتقىزۋعا بولاتىندىعىن ايتتى.
«جازۋشى ءوز شىعارمالارىندا فيلوسوفيالىق تۇرعىدان ويلانا وتىرىپ، پسيحولوگيالىق جانە ەتيكالىق ماسەلەلەردى كوتەردى. ونىڭ كەيىپكەرلەرى قاشاندا كوپ ويلاناتىن، ىشتەي تولعانىپ جۇرەتىن ادامدار. ادام قانداي بولۋى كەرەك؟ بولمىس، ماحاببات، باقىت، دوستىق دەگەن نە؟ ادام مەن قوعام اراسىنداعى بايلانىستى قالاي ورناتۋ قاجەت؟ بۇل سۇراقتارعا جاۋاپتى ونىڭ شىعارمالارىنان تابۋعا بولادى»، - دەدى ا. تەمىربولات.
دوڭگەلەك ۇستەل جۇمىسىنا ونلاين رەجىمىندە س. بايىشيەۆ اتىنداعى اقتوبە ۋنيۆەرسيتەتىنىڭ، ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ جانە قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ ءتىل جانە ادەبيت سالاسىنىڭ عالىمدارى قاتىسىپ، جازۋشىنىڭ ءومىرى مەن شىعارماشىلىعى تۋرالى ءوز پىكىرلەرىن ءبىلدىردى.
اۆتور: ايبوتا جاپپاربەرگەن
