قىتايدىڭ ءبىرىنشى استاناسىنا ساياحات - فوتو
جەرگىلىكتى حالىق شياندە بولماعان ادام قىتايدى بىلمەيدى دەپ ەسەپتەيدى. ءبىز 5 ميلليون قىتاي حالقى تۇراتىن وسى ايماققا كەلىپ، ۇلى حالىقتىڭ مادەنيەتىمەن، سونىمەن قاتار جاڭا تەحنولوگيالارمەن تانىستىق. شياندە تۋريستەرمەن قاتار قىتايلىقتاردىڭ ءوزى دە كەلەتىن كۇيدىرگەن سازدان ىستەلگەن ارميا مۇراجايى بار.
جالپى ايتقاندا، قىتايدا ىشكى تۋريزم وتە جاقسى دامىعان. جەرگىلىكتى حالىق وزدەرىنىڭ تاريحىن ءبىلۋ ماقساتىندا ءوز ەلىندە ساياحات جاسايدى. ءتىپتى، جازعى دەمالىس كەزىندە قىتايلىقتار شاڭحاي، سانيا (وستروۆ حاينان)، گۋيلين سياقتى قالالارىنا ساپار شەگەدى.
قىتاي اسحاناسى الۋان ءتۇرلى بولعاندىقتان، مۇندا تاماقتان جالىعۋ قيىن. ءبىر مەيرامحاناعا ءبىر اي بويى بارىپ جۇرسەڭ دە، كۇندە ءارتۇرلى تاعام جەۋگە بولادى. مۇندا سيىر ەتىنەن جاسالعان سۋپ-لاپشا، كوك ءشوپ قوسىلعان نان دا تابىلادى.
شيان كوشەسىندە قىتايدىڭ كلاسسيكالىق ءشايىن ءىشىپ، كۇرىشتەن جاسالعان دەسەرتتەن ءدام تاتۋعا بولادى. شيان كوشەلەرىندە موپەدكە، ەلەكتروسكۋتەرگە، اۆتوبۋسقا نەمەسە تاكسيگە مىنگەن ءتيىمدى. ايتپاقشى، ەگەر ءسىز قىتاي ءتىلىن بىلمەسەڭىز، جەرگىلىكتى حالىقپەن ءتىل تابىسۋ وتە قيىن.
مۇنداي جاعدايدا وزىڭمەن بىرگە ەلەكتروندى سوزدىك الىپ جۇرگەن نەمەسە ويىڭدى يشارا ارقىلى بىلدىرگەن دۇرىسىراق. ساۋىردە شيان گۇلدەنىپ، قالادا تۋريستىك كەزەڭ باستالادى. بۇل قالا الەمگە قوناقجايلىعىمەن، مول مۇراسىمەن جانە ساۋدا ورىندارىمەن تانىمال.
الماتىدان شيانگە SCAT اۋە كومپانياسىنىڭ ۇشاعىمەن جەتىپ، ارى قاراي قىتايلىق اۋە كومپانيالارىنىڭ رەيستەرىمەن ساياحاتتى جالعاستىرۋعا بولادى. روزا ەسەنقۇلوۆانىڭ وسى رەپورتاجىندا قىتايدىڭ ءۇش قالاسىنا: شيان، گۋيلين جانە يانشوعا ساياحات جاسايمىز.
بۇگىنگى شيان. قالا تاريحي جانە زاماناۋي ورتالىق بولىپ ەكىگە بولىنەدى. جەرگىلىكتى بيلىك تاريحي عيماراتتاردى بۇزىپ، ورنىنا جاڭاسىن تۇرعىزۋعا تىيىم سالعان.
بۇگىنگى شيان. قالا تاريحي جانە زاماناۋي ورتالىق بولىپ ەكىگە بولىنەدى. جەرگىلىكتى بيلىك تاريحي عيماراتتاردى بۇزىپ، ورنىنا جاڭاسىن تۇرعىزۋعا تىيىم سالعان.
ناۋرىزدا مۇندا ماگنوليا گۇلدەيدى. ءساۋىر ايىنىڭ باسىندا قالا اق-قىزعىلت جانە جاسىل تۇسكە ورانىپ، وسى ايدا بۇل قالاعا كوكتەم كەلەدى.
بۇل - قالاداعى شىعارماشىلىق كوشەلەردىڭ ءبىرى. مۇندا سۋرەتشىلەر مەن قولونەرشىلەر جۇمىس ىستەيدى. كونە قالانىڭ بۇل اۋدانىنان وتە سيرەك كەزدەسەتىن كىتاپتار مەن باسقا دا زاتتار ساتىپ الۋعا بولادى.
شياننىڭ كونە ورتالىعىنداعى كوڭىل- كۇي ءسىزدى سول زامانعا اپارعانداي بولادى. مۇندا ۋاقىت شىنىمەن دە توقتاپ تۇرعان ىسپەتتى.
سۋرەتشىلەر «ارباتقا» تاڭنىڭ اتىسىمەن شىعىپ، جەرگىلىكتى پەيزاجدى، ادەمى قىزداردىڭ سۋرەتىن سالادى.
بۇل كوشە قالانىڭ جاڭا جانە تاريحي ورتالىعىن ءبولىپ تۇرعان قالا قابىرعاسىنا اپارادى.
شياننىڭ ەسكى بولىگى.
قىتايدا جاڭا عيماراتتاردىڭ ءوزى عيباداتحاناعا ۇقساتىپ تۇرعىزىلادى. ولار قالاعا ەرەكشە ءسان بەرىپ تۇر.
كەز كەلگەن مەگاپوليستە كەزدەسەتىن قاراپايىپ داڭعىل. اۆتوبۋستارعا ارنالعان جولاقتار، بيىك عيماراتتار مەن جارىق شامدارى. بۇل اۋداندا ساۋدا جاساۋعا ارنالعان شوپينگ- ستريت بار. وندا قاراپايىم زاتتاردان باستاپ Dior، Chanel, Furla ونىمدەرىنە دەيىن ساتىپ الۋعا بولادى.
تاڭعى شيان. سالقىن جولدا سەرۋەندەپ جۇرگەن مىسىقتار مەن كۇشىكتەر. ايتپاقشى، شياندە بالالاردى كەزدەستىرۋ وتە قيىن. سەبەبى مۇندا كۇنى كەشەگە دەيىن «ءبىر وتباسى - ءبىر بالا» ساياساتى جۇرگىزىلىپ كەلگەن ەدى. جاقىندا عانا بۇل زاڭ وزگەرتىلدى، قىتايلىقتار ەندى ومىرگە ەكى بالا اكەلە الاتىندارى ءۇشىن وتە قۋانىشتى.
مۇندا قالا تاماعىن جەۋ ادەتكە اينالعان. تاڭ اتىسىمەن تۇرعىندار تۋريستەرگە ىرىمشىك، كوك شوپتەر مەن جۇمىرتقا قوسىلعان ناندارىن ۇسىنادى.
بۇل قالاداعى مەيرامحانالاردان كوك شوپتەر قوسىلعان بالىق، سيىر ەتىنەن جاسالعان سورپا ىشۋگە بولادى. مۇندا تۇسكى استى شامامەن 2000 تەڭگە تۇرادى.
شيانگە كەلگەن ادام مىندەتتى تۇردە كۇيدىرگەن سازدان ىستەلگەن اسكەر مۇراجايىنا كەلەدى. مۇندا يمپەراتور شين شيحۋانديدىڭ جانە قىتاي جاۋىنگەرلەرىنىڭ 8099 ءمۇسىنىن كورۋگە بولادى.
مۇراجايعا كىرۋ قۇنى - 150 يۋان، ياعني 7500 تەڭگە. مۇسىندەر العاشىندا ءتۇرلى ءتۇستى بولعان. مۇنى سول كەزدەرى تۇسىرىلگەن سۋرەتتەردەن بايقاۋعا بولادى. دەگەنمەن كەيىن وتتەگىمەن توتىعىسۋدان كەيىن ول سۇر تۇسكە اينالعان.
ءتۇپ نۇسقا مۇسىندەردى زەردەلەپ قاراساڭىز، ساز بالشىقتان جاسالعان بۇرىمدى كورۋگە بولادى.
تۇنگى شيان. بۇل قالادا تۇندە عانا كەلۋگە بولاتىن ءتۇرلى ورىندار بار.
تۇنگى ۋاقىتتا بۇل جەردە 8 بيىك باعانا ءتۇرلى تۇسكە بويالادى. سونىمەن قاتار، تيانانمىن دەپ اتالاتىن الەمدەگى ەڭ ۇلكەن الاڭ دا وسى قالادا ورنالاسقان. ونىڭ اۋدانى 440 مىڭ شارشى مەتر، ياعني وندا 60 فۋتبول الاڭى سىيىپ كەتەدى. بۇل الاڭعا ءبىر ۋاقىتتا جارتى ميلليون ادام كەلە الادى.
مەيرامحانالاردىڭ تۇنگى ۋاقىتتا جارقىراپ تۇراتىنى سونشالىق، وعان كىرمەي كەتۋ مۇمكىن ەمەس.
شياندەگى لوتوس ساياباعى. قىتايدىڭ جاڭا جىلى قارساڭىندا قالا جارىق وتتارمەن بەزەندىرىلگەن.
بۇل شيانگە كەلگەن ادام باس سۇقپاي كەتۋگە بولمايتىن تاعى ءبىر ورىن. ماحاببات ەسكەرتكىشى نەمەسە وڭتۇستىك كول دەپ اتالاتىن بۇل جەر قالا ورتالىعىنان 10 مينۋتتىق جەردە ورنالاسقان. اڭىز بويىنشا، ايەل ادام ءوزىنىڭ كۇيەۋىن كوپ جىلدر بويى كۇتكەن، سوڭىندا ول گەنەرال بولىپ ورالعان. بۇل ورىن ايەلدەردىڭ ادالدىعىنا ارنالادى.
قىتايدا ترانسپورت ينفراقۇرىلىمى جاقسى دامىعان. مۇندا ەلەكتروكار، ەلەكتروسكۋتەر نەمەسە وسىنداي كىشكەنتاي اۆتولاردى ءجيى كەزدەستىرۋگە بولادى. ولاردى ايداۋ ءۇشىن ارنايى كۋالىكتىڭ قاجەتى جوق، دەگەنمەن شەكتەۋ بار - ترانسپورتتىڭ بۇل ءتۇرىن قالاداعى ەگدە ادامدار عانا پايدالانا الادى.
قىتايدىڭ جاڭا جىلىنا ارنالعان ينستاللياتسيا.
ءۇش اياقتى مۇنداي موتوتسيكلمەن قالا ىشىندە 10 يۋانعا سەرۋەندەۋگە بولادى.
قىتايدىڭ ءداستۇرلى كيىمى. شيان كوشەلەرىندەكيىم اۋىستىرىپ، سۋرەتكە تۇسۋگە ارنالعان فوتودۇڭگىرشەكتەر بار.
شي جينپيڭنىڭ Nazarbayev University-گە كەلگەن كەزدەگى سۋرەتى قىتايدىڭ جىبەك فابريكاسىندا ءىلىنىپ تۇر.
قىتايدا تۋريستەردى ءجيى كەزدەستىرۋگە بولادى. مۇندا تەك فرانسۋزدار مەن امەريكالىقتاردى سيرەك كورەسىڭ.
قىتايدا جىبەك شارۋاشىلىعى جاقسى دامىعان. تاڭ اۋلەتى كەزىندە ۇلى جىبەك جولى ارقىلى باسقا ەلدەرگە جىبەك تاسىمالدانعان. قازىر بۇل قالادا جىبەكتەن ءتۇرلى بۇيىمدار دايىندايتىن زاماناۋي فابريكالار بار.
جابايى قاز عيباداتحاناسى - قالاداعى ەرەكشە ورىنداردىڭ ءبىرى. اڭىز بويىنشا، عيباداتحانا ءۇش جىل بويى قىتايدان ءۇندىستانعا ساياحاتتاپ، قازىرگى قازاقستان اۋماعىندا اداسىپ كەتكەن موناحقا ارناپ سالىنعان. وعان جول تابۋعا جابايى قازدار مەن جەرگىلىكتى حالىق كومەكتەسەدى. قازىرگى كەزدە بۇل جەر تۋريستەر ەڭ كوپ جينالاتىن ورىن.
جابايى قازي عيباداتحاناسىنداعى كارى اعاش. قىتايدا اعاشتاردى كەسىپ، ورنىنا عيمارات تۇرعىزۋعا تىيىم سالاتىن زاڭ بار. سوندىقتان دا جەرگىلىكتى بيلىك باسقا امال ويلاپ تاپقان. ەگەر سول ورىندا قۇرىلىس جۇرەتىن بولسا، اعاش تامىرىنا دەيىن الىنىپ، باسقا جەرگە وتىرعىزىلادى.
جابايى قازى عيباداتحاناسىندا.
ساياحاتىمىزدى ادەمى قالا گۋيليندە جالعاستىرامىز. شياننەن كەز كەلگەن قالاعا ۇشىپ بارۋعا بولادى. دەگەنمەن ءبىز الەمدەگى ەڭ ۇلكەن جاساندى سارقىراما ورنالاسقان وسى قالانى تاڭدادىق.
گۋيليندە جاساندى ۇڭگىر دە بار. ول توپىراق جامىلعىسىنان پايدا بولعان. ۇڭگىردىڭ ۇلكەندىگى سونشالىق، ونى اينالىپ شىعۋعا 40 مينۋت ۋاقىت كەتەدى. ونىڭ ءار بولىگى ءتۇرلى ەتىپ جارىقتاندىرىلعان.
گۋيلين قىتايدىڭ وڭتۇستىگىندە ورنالاسقان. شياندە اۋا قۇرعاق بولسا، بۇل جەردە كەرىسىنشە، ىلعالداۋ. قالا ەرتەگى ىسپەتتى تاۋلاردىڭ قورشاۋىندا جاتىر.
قالانىڭ ورتالىعىنان 5 مينۋتتىق جەردە پاندالار ءومىر سۇرەتىن ساياباق بار. مۇندا بار-جوعى ەكى پاندا بولسا دا، سيرەك كەزدەسەتىن جانۋاردى ءوز كوزىڭمەن كورۋ ۇلكەن راحاتقا بولەيدى.
پاندالار بامبۋكپەن قورەكتەنەدى. ءاربىر ەرەسەك پاندا كۇنىنە 30 كەلى بامبۋك جەيدى ەكەن.
مۇندا قىزىل پاندالاردى دا كورۋگە بولادى.
جۇرگىنشىلەر كوشەسى گۋيليندە دە بار. كوشەنىڭ قاق ورتاسىندا باعىتتى كورسەتەتىن كىشكەنتاي شىركەۋ ورنالاسقان. مۇندا دا ساۋدا جاساپ، ءدامدى ءارى ارزان تاماق ىشۋگە بولادى.
قالادا سارىمساق سوۋسى قوسىلعان قۋىرىلعان ۋستريتسالار، بۋعا پىسىرىلگەن شاياندار، ءۇي پيتستساسى مەن ديمسام جانە باسقا دا تاعامدار ساتىلادى.
ايتپاقشى، قىتايدا سكۋتەر جۇرگىزۋشىلەرىنە ارناپ قىزىقتى ءارى پايدالى اكسەسسۋارلار ساتىلادى. ولاردى سالقىن، جاڭبىر جاۋىپ تۇرعان كەزدەردە پايدالانۋعا بولادى. سونىمەن قاتار، كوشە قيىلىستارىندا باعدارشامنىڭ جاسىل ءتۇسى جانعانىن كۇتۋگە ارنالعان شاتىرلار بار. شاتىرلار جاڭبىر كەزىندە پايداسىن تيگىزەدى.
تاۋ بوكتەرىندەگى گۋيلين قالاسى.
قالانىڭ بارلىق تۇرعىنى بىردەي بۇلاي جارقىن كيىنە بەرمەيدى. نەگىزىنەن ولار قاراپايىم كيىممەن جۇرەدى.
گۋيليندە ادەمى ورىندار وتە كوپ. مىناۋ سولاردىڭ ءبىرى.
گۋيليندەگى لي وزەنى.
پارومدارعا وتىرىپ كورشى يانشو اۋىلىنا جەتىپ الۋعا بولادى.
4 ساعاتقا سوزىلاتىن جولدا وتە كوركەم پەيزاجدارى تاماشالايسىڭ. ولاردىڭ ءبىرى 20 يۋان بانكنوتىندا بەينەلەنگەن كورىنىس.
پارومداعى تۋريستەر.
يانشو دا وتە جارىق قالا. مۇندا تۋريستەر كوشەدەگى بيلەرگە قىزىعادى.
قىتايدا ورىس ءتىلدى تۋريستەر ءۇشىن تانىس ەمەس برەندتەر مەن دۇكەندەردى كەزىكتىرۋگە بولادى. مىسالى، مۇندا Eblan اياق كيىمى، Eblin ءىش كيىمى، Erke كيىمدەرى بار.
يانشوداعى جۇرگىنشىلەر كوشەسى.
شىرىن ساتۋشىلار.
يانشودا كولىكتەر كوپ ەمەس، سوندىقتان دا مۇندا سكۋتەر نەمەسە ۆەلوسيپەدتى جالعا الىپ، ساياحات جاساۋعا بولادى.
كوپىرگە تۇرىپ، بامبۋكتەن جاسالعان سالدارمەن ءجۇزىپ جۇرگەن بالىقشىلاردىڭ ارەكەتىن تاماشالاۋعا بولادى.
مىنا ءبىر ەرەكشە كوپىرگە شىعىپ، ەكى تاۋ اراسىنداعى تازا اۋا مەن جەلدى سەزىنۋگە دە بولادى.
kaz.tengrinews.kz
