اقشاسىن ۇنەمدەگەن امەريكالىق فانەردەن جاسالعان ۇيشىكتە تۇرىپ جاتىر

استانا. قازاقپارات - سان- فرانسيسكو تۇرعىنى 25 جاسار يلليۋستراتور پيتەر بەركوۆيتس قىمبات پاتەر اقىسىنان قۇتىلۋدىڭ امالىن تاپتى.

ول تانىسىنىڭ ءۇيىنىڭ قوناق بولمەسىنە وزىنە فانەردەن شاعىن عانا ۇيشىك تۇرعىزىپ الدى. ەندى اي سايىن 508 دوللار تولەيتىن بولادى، دەپ حابارلايدى Time.

يلليۋستراتور ءوزىنىڭ بلوگىنا پاتەردى جالعا الۋ اقىسى بۇدان ەكى ەسە، ءتىپتى ءۇش ەسە قىمباتقا تۇسەر ەدى»، - دەپ جازدى. «ۇيشىكتى تۇرعىزۋ ماعان 1,3 مىڭ دوللارعا ءتۇستى. ەندى مەن اي سايىن 400 دوللار جانە بۇعان قوسىمشا سۋ مەن جارىققا 108 دوللار عانا تولەيمىن»، - دەيدى ول.