قازاقستان پرەزيدەنتى بريۋسسەلدە تەررورلىق اكت قۇرباندارىن ەسكە الدى
بۇل تۋرالى اقوردانىڭ باسپا ءسوز قىزمەتى حابارلادى.
بريۋسسەل قالاسىنا كەلگەن مەملەكەت باسشىسى 22 -ناۋرىزدا بولعان تەررورلىق اكت قۇرباندارىنا ارناپ «مالبەك» مەترو ستانساسىندا گۇل شوقتارىن قويۋ راسىمىنە قاتىستى.
قازاقستان پرەزيدەنتى وسى ءراسىم اياسىندا بريۋسسەل استانالىق ءوڭىرىنىڭ ۇكىمەتى باسشىسىنىڭ ورىنباسارى گ.ۆانحەنگەلمەن اڭگىمەلەسىپ، قايعىلى وقيعاعا بايلانىستى كوڭىل ايتتى.
- قازاقستان تەرروريزمنىڭ كەز كەلگەن كورىنىسىن ايىپتايدى جانە بەلگيا حالقىنىڭ قايعىسىنا ورتاقتاسادى. زارداپ شەككەندەردىڭ تەزىرەك ساۋىعىپ كەتۋىنە، ال قازا بولعانداردىڭ تۋعان-تۋىستارى مەن جاقىندارىنىڭ وسى قاسىرەتتەن تەزىرەك ەڭسە تىكتەۋىنە تىلەكتەستىگىمدى بىلدىرەمىن، - دەدى نۇرسۇلتان نازاربايەۆ.
بەلگياعا ساپار اياسىندا سونداي-اق قازاقستان پرەزيدەنتىنىڭ ەۋروپالىق كەڭەس ءتوراعاسى د.تۋسكپەن جانە ەۋروپالىق كوميسسيا ءتوراعاسى ج.ك.يۋنكەرمەن كەزدەسۋى جوسپارلانىپ وتىر
