04:15, 30 - ناۋرىز 2016 | GMT +5
مىسىردا ۇشاقتى باسىپ العان بۇلىكشى مۇنداي قادامعا ايەل ءۇشىن بارعان
استانا. قازااقپارات - وڭتۇستىك كيپر پوليتسياسىنىڭ جەدەل ارەكەت ەتۋ جاساعى Egypt Air اۋە كومپانياسىنىڭ جولاۋشىلار ۇشاعىن باسىپ العان قاسكويدى قولعا ءتۇسىردى.
وسىعان بايلانىستى ءتارتىپ ساقشىلارى لارناكا قالاسىنداعى اۋەجاي اۋماعىندا جۇرگەن بارلىق جۋرناليستى قاۋىپسىز جەرگە شىعاردى. ال بۇلىكشى بۇعان دەيىن مىسىر بيلىگىنەن تۇرمەدە وتىرعان ايەل جاقتاستارىن بوساتۋدى تالاپ ەتكەن ەدى. ول الەكساندريادان كايرگە باعىت العان اۋە كەمەسىن كيپردەگى لارناكا اۋەجايىنا قوندىرعانىن ايتتىق. لاينەردە 7 ەكيپاج مۇشەسى مەن 55 جولاۋشى بولعان. قاسكوي كاير ۋنيۆەرسيتەتىنىڭ پروفەسسورى بولىپ شىقتى.
نيكوس اناستاسياديس، وڭتۇستىك كيپر پرەزيدەنتى:
- بۇل وقيعانىڭ لاڭكەستىك ارەكەتكە ەش قاتىسى جوق. مەنىڭ نە تۋرالى ايتىپ تۇرعانىم سىزدەرگە تۇسىنىكتى شىعار. ءبارى ايەلگە قاتىستى تۋىنداعان.
www.24.kz
