كولىكتىڭ سىرتىن سۋرەتپەن ارلەۋگە قاتىستى تىيىم بيىل الىنىپ تاستالادى

استانا. قازاقپارات - كولىكتىڭ سىرتىنا اەروگرافيامەن ارلەۋگە قاتىستى تىيىم بيىل الىنىپ تاستالۋى مۇمكىن.

قازىرگى ۋاقىتتا جاڭا زاڭ جوباسى قر پارلامەنتى ماجىلىسىنە جولدانعان.

بۇل تۋرالى بۇگىن ق ر ىشكى ىستەر مينيسترلىگى اكىمشىلىك پوليتسيا كوميتەتىنىڭ ءتوراعاسى يگور لەپەحا ءمالىم ەتتى.

«قازىرگى ۋاقىتتا ماجىلىستە «جولدا ءجۇرۋ ەرەجەلەرى تۋرالى» جاڭا زاڭ جوباسى قارالۋدا جانە ول زاڭدا وسىنداي تۇزەتۋلەر ەنگىزىلىپ وتىر»، - دەدى ول.

ونىڭ ءسوزى بويىنشا، ەگەر زاڭ قابىلدانىپ جاتسا، اتالعان وزگەرىستەر بيىلدان باستاپ ەنگىزىلۋى ىقتيمال.

«جالپى اەروگرافياعا سالىنعان تىيىمنان باس تارتاتىندىعىمىز تۋرالى ۇكىمەتتىڭ الدىن الا شەشىمى بار. ەندى ول زاڭدى تۇردە پارلامەنتتە قابىلدانۋى ءتيىس. پارلامەنت ءماجىلىسىنىڭ سايلاۋى وتكەندىكتەن بۇل جۇمىس ازداپ توقتاپ قالدى»، - دەدى ي. لەپەحا.

 اۆتور: جاسۇلان جولدىبايەۆ