بەيجىڭدەگى «قازاق بالا» العاشقى قوڭىرۋىن سوقتى

استانا. قازاقپارات - شەتەلدە جۇرگەن، اسىرەسە ميلليارد قىتاي ەلىنىڭ استاناسىندا ءومىر ءسۇرىپ جاتقان از عانا قازاقتىڭ بالالارى انا ءتىلىن ۇمىتىپ كەتۋ مۇمكىندىگى جوعارى. مىنە، وسىنداي جاعدايدى ەرتە باستان ءتۇسىنىپ، بەيجىڭدەگى قانداستارىمىز قازاق ءتىلىن ۇرپاق بويىن ءسىڭىرۋ ءۇشىن قولدان كەلگەنىن جاساۋدا.  

ەستەرىڭىزدە بولسا، 2014 -جىلى ءساۋىر ايىندا بەيجىڭدەگى شاچىحاي سپورت مەكتەبىندە «قازاق بالا» اتتى ءتىل ۇيرەنۋ كلۋبى اشىلىپ، العاشقى تاربيەلەنۋشىلەرىنىڭ «ءتىلاشارى» وتكەن. مىنە، ەكى جىلدان كەيىن كەلەسى بۇلدىرشىندەر قابىلدانىپ، كەشە عانا جاڭا توپتىڭ ءتىلاشارى ءوتتى.   

 قىتاي استاناسىندا مەملەكەتتىك قىزمەتتىڭ ءار سالاسىندا ەڭبەك ەتىپ جۇرگەن قازاقتار از ەمەس. ولاردىڭ بالالارى ءۇشىن ارناۋلى قازاق مەكتەبى جوق. انا ءتىلىن بىلمەي وسكەن ۇرپاق بولماۋى ءۇشىن اشىلعان «قازاق بالا» قازاق بالالارى ءۇشىن قۇندى ەڭبەك جاساپ جاتىر. كلۋبتىڭ باس القاسى جانار سىلانبەك قىزى. ۇيىمداستىرۋ جۇمىستارىنا تاڭنۇر، گۇلينا، سايرا قاتارلى قانداستارىمىز جانە بالالاردىڭ اتا- انالارى قوماقتى ۇلەس قوسۋدا.   

 ال، بالالارعا قازاق ءتىلى ساباعىن قازاقستاندىق ايجان اتتى ءمۇعالىم ۇيرەتەدى ەكەن.  

Baq.kz