ەكيپاج كومانديرى بەك ايىر ۇشاعىن قالاي قوندىرعانىن ايتىپ بەردى
«بۇل مەنىڭ ءومىرىمدى ءبىرىنشى رەت بولدى، قايتالانعانىن قالامايمىن. بۇل سيرەك كەزدەسەتىن قۇبىلىس. مەنىڭ جولىم بولدى. مەن ۋچيليشەنى اياقتاعاننان بەرى اۆياتسيادامىن. ال وسى اۋە كومپانياسىندا جۇمىس ىستەپ جاتقانىما ەكىنشى جىل» ، - دەدى رودين. ول 1981 -جىلى اۆياتسيا ۋچيليشەسىن اياقتاپتى.
«ءبىز ۇشىپ كەلىپ، ءشاسسيدى شىعارا باستاعانبىز، ءبىراق ول شىقپاي قالدى. قازىر ءشاسسيدىڭ نەلىكتەن ىستەن شىققانى انىقتالىپ جاتىر. بۇل - تەحنيكالىق اقاۋ. مۇنداي جاعدايلارعا بىزدە نۇسقاۋلىقتار كوپ، ءبىز سونداعى ەرەجە بويىنشا ارەكەت ەتتىك، وسىلايشا قونۋعا تۋرا كەلدى. ۇشاقتىڭ باسىن سوڭىنا دەيىن تۇسىرۋگە تىرىستىم، ءوزى باياۋ عانا ءتۇستى. ەلەستەتىپ كورىڭىزدەرشى، ۇشاق ۇلكەن جىلدامدىقپەن اسفالتتىڭ ۇستىندە قوندى. اۋەجايداعى جولاققا كوبىك قۇيىلدى، بۇل ارنايى جاسالدى» ، - دەدى رودين. قازىرگى ۋاقىتتا ونىمەن پروكۋراتۋرا ورگاندارى جۇمىس ىستەپ جاتىر ەكەن.
ق ر ينۆەستيتسيالار جانە دامۋ ءمينيسترى اسەت يسەكەشيەۆ Facebook جەلىسىندە بىلاي دەپ جازبا قالدىردى: «قازىر عانا اۋەجايدان شىقتىق. قۇدايعا شۇكىر، ەشكىم زارداپ شەككەن جوق، ءولىم- ءجىتىم بولعان جوق. سوڭعى جولاۋشىلار شۇعىل ەۆاۋاتسيا كەزىندە سالونعا تاستاپ كەتكەن زاتتارىن الىپ، ءۇيدى- ۇيلەرىنە تارادى. ارنايى كوميسسيا تەرگەۋدى باستاپ كەتتى. ەكيپاجدىڭ، اسىرەسە كومانديردىڭ شەبەرلىگى مەن تاباندىلىعىن، جەردەگى قىزمەت وكىلدەرىنىڭ ۇيلەسىمدى جۇمىسىن اتاپ وتكىم كەلەدى. ەكيپاجدى مەملەكەتتىك جانە ۆەدومستۆو سىيلىقتارىنا ۇسىنامىز» .
وسىعان دەيىن Bek Air اۋە كومپانياسىنىڭ باسقارما ءتوراعاسى نۇرلان جۇماسۇلتانوۆ الدىڭعى ءشاسسيسىز قونعان ۇشاققا قاتىستى تۇسىنىك بەرگەن ەدى. «شاسسي تولىقتاي اشىلماي قالدى. ۇشاقتى شاسسيسىز قوندىرۋ جونىندە شەشىم قابىلداندى. ۇشاقتىڭ ارتقى ءشاسسيى ورتاعا قويىلىپ، قوندى. اۋەجاي بۇل كەزدە قونۋ الاڭىن كوبىكپەن جاپتى. ۇشاق 30 مەتردەي جەرگە ءوتىپ بارىپ توقتادى، زاقىم مينيمالدى. ۇشاقتىڭ كومانديرى ۆيكتور رودين - جارادى، بارلىعىن دۇرىس ىستەدى» ، - دەدى اۋە كومپانياسىنىڭ باسشىسى.
