08:51, 28 - ناۋرىز 2016 | GMT +5
استانا اۋەجايى اۋماعىنان قىتاي ازاماتتىڭ مۇردەسى تابىلدى
استانا. قازاقپارات - بۇگىن استانا اۋەجايى اۋماعىنان قىتاي ازاماتىنىڭ مۇردەسى تابىلدى. بۇل تۋرالى «قازاقپارات» ح ا ا- عا اۋەجاي باسپا ءسوز قىزمەتىنەن حابارلادى.
باسپاءسوز قىزمەتىنىڭ ناقتىلاي تۇسۋىنشە، اۋەجايدىڭ مەديتسينالىق بەكەتىنە ۇشاقپەن كەلگەن جولاۋشىلاردى كۇتىپ الۋشىلاردىڭ ءبىرى جۇگىنىپ، ايالدامادا بەلگىسىز ازاماتتىڭ جاتقانىن ايتقان.
اۋەجاي فەلدشەرى وقيعا ورنىنا تاڭعى ساعات 7-10-دا بارعان كەزدە ونىڭ ءولىپ قالعانى بەلگىلى بولعان. ازاماتتىڭ قاسىندا تۇرعان سومكەسىندەگى بيركادان ونىڭ قىتاي ازاماتى ەكەندىگى جانە تاڭعى رەيسپەن بەيجىڭنەن كەلگەنى انىقتالدى.
وسىدان كەيىن جەلىلىك پوليتسيا بولىمشەسىنىڭ قىزمەتكەرلەرى مەن جەدەل جاردەم شاقىرىلدى. بولجامعا سايكەس، قىتايلىق ازاماتتىڭ جاسى 56-دا جانە ول ترومبوەمبوليدەن (قان تامىرلارىنىڭ توسىلۋى) كوز جۇمعان.
اۆتور: مارلان جيەمباي
