08:01, 27 - ناۋرىز 2016 | GMT +5
اركتيكاداعى مۇزدىقتاردىڭ ەرۋ كورسەتكىشى رەكوردتىق دەڭگەيگە جەتتى
استانا. قازاقپارات - ن ا س ا ماماندارىنىڭ ايتۋىنشا، بيىلعى قىس سوڭعى 40 جىلدىڭ ىشىندە ايرىقشا جىلى اۋا اعىمىنا يە بولعان.
عالىمدار ونىڭ فارەنگەيت ولشەمى بويىنشا ادەتتەگىدەن 10-15 گرادۋس جوعارى بولعانىن ايتىپ وتىر، دەپ حابارلايدى 24.kz.
بۇل قۇبىلىس ءوز كەزەگىندە سۋىق اۋا اعىمىندا ەرىگەن مۇزدىڭ قايتا قالپىنا كەلۋىنە كەرى اسەرىن تيگىزگەن. ەندى ناسا ماماندارى زەرتتەۋدىڭ ەكى باعىتىن ەنگىزدى. ولاردىڭ ءبىرى اۋا اعىمىنداعى ادەتتەن تىس جىلىلىق كەزەڭىندەگى مالىمەتتەردى جيناقتاسا، ەكىنشىسى ەڭ تومەنگى تەمپەراتۋراداعى مۇزدىڭ كۇيىن باقىلايدى. سونىمەن قاتار عالىمدار سولتۇستىك مۇزدى مۇحيتى جەردەن دە، عارىشتان دا باقىلاناتىنىن ايتىپ وتىر.
