بەيجىڭ تۇرعىندارىنا ءۇشىنشى بالانى تۋۋعا رۇقسات ەتىلدى

استانا. قازاقپارات - بەيجىڭنىڭ زاڭ شىعارۋشى ورگانى وتباسى جوسپارلاۋ ماسەلەسى بويىنشا جاڭا قاۋلى شىعاردى.

ەندى قايتا نەكەگە وتىرعان، ءبىرىنشى نەكەسىنەن ءبىر بالاسى بار ازاماتتارعا تاعى ەكى بالا سۇيۋگە رۇقسات، دەپ مالىمدەدى newsru.com.

بۇدان باسقا، ەكىنشى نەكەگە دەيىن ەكى نە ودان كوپ بالاسى بارلارعا جاڭا وتباسىدا ءبىر بالا سۇيۋگە قۇقىق بەرىلدى، دەپ مالىمدەدى The Global Times.

بۇدان بۇرىن بەيجىڭدە ەكىنشى رەت نەكەگە تۇرعاندار الدىڭعى جانە سوڭعى نەكەسىنەن ءبىر عانا بالا بولعان جاعدايدا عانا، تاعى ءبىر بالا ومىرگە اكەلۋگە رۇقسات بەرىلەتىن بولاتىن.

جاڭا قاۋلى بويىنشا ايەلى جۇكتى كەزىندە ەر ادام 15 كۇندىك دەمالىس الا الادى. بۇدان باسقا، قۇجات بويىنشا جۇمىس ىستەيتىن ايەلدەردىڭ دەكرەتتىك دەمالىس مەرزىمىن 98 كۇننەن جەتى ايعا دەيىن ۇلعايتۋدى قاراستىرىلعان.

سونىمەن قاتار كەيبىر باسقا دا شەكتەۋلەر الىنىپ تاستالدى. مىسالى، وعان سايكەس تەك 28 جاستان اسقاندا عانا، سونداي-اق ءبىرىنشى بالا تۋعاننان كەيىن ءتورت جىلدان سوڭ عانا ەكىنشى بالا تۋۋعا بولاتىن قاعيدانىڭ كۇشى جويىلدى.