ماشينا ءتورتىنشى قاباتتان قۇلاپ، جۇرگىزۋشى امان قالدى - كەسكىن

استانا. قازاقپارات - بالتيموردا 23 جاستاعى Audi Q5 جۇرگىزۋشىسى كوپ قاباتتا تۇراققا كولىگىن قويار ساتتە رۋلگە يە بولا الماي، عيماراتتىڭ ءتورتىنشى قاباتىنان قۇلاپ كەتتى، دەپ حابارلادى BBC.

بەينەباقىلاۋ كامەراسى تۇسىرگەن جازبادا ايەلدىڭ زارداپ شەكپەگەنى، كولىكتەن قالاي شىققانى انىق كورىنەدى.

جەڭىل جاراقاتتارمەن ليندسي تەيلور كۋك جەرگىلىكتى اۋرۋحاناعا جاتقىزىلدى، جاقىندا ۇيىنە شىعارىلادى.

قۇلاعان ساتتە، ابىروي بولعاندا، جۇرگىنشىلەرگە ارنالعان جولدا ەشكىم بولماعان.

14- ناۋرىزداعى توۋسون قالاسىندا ورىن العان وقيعا جازباسى بەيسەنبى كۇنى بالتيمور وكرۋگى پوليتسياسىنىڭ رۇقساتىمەن جاريالاندى.