پارلامەنت ءماجىلىسى ق ر ۇكىمەتىنە سەنىم ءبىلدىردى

استانا. قازاقپارات - بۇگىن جالپى وتىرىستا ق ر پارلامەنتى ءماجىلىسى ق ر ۇكىمەتىنە سەنىم ءبىلدىردى.

داۋىس بەرۋ بارىسىندا 96 دەپۋتات قولدادى، تورتەۋى قارسى داۋىس بەردى، ال جەتەۋى قالىس قالدى.

«رەسپۋبليكانىڭ پرەمەر- ءمينيسترى جاڭادان سايلانعان پارلامەنت ءماجىلىسىنىڭ الدىنا ۇكىمەتكە سەنىم تۋرالى ماسەلە قويادى. وسىعان بايلانىستى پرەمەر- ءمينيستردىڭ حاتى كەلىپ ءتۇستى»، - دەدى ق ر پارلامەنتى ءماجىلىسىنىڭ ءتوراعاسى باقتىقوجا ىزمۇحامبەتوۆ.

جالپى وتىرىس بارىسىندا دەپۋتاتتار ۇكىمەتكە سەنىم ءبىلدىرىپ، ءتيىستى شەشىم قابىلداندى.

«قۇرمەتتى دەپۋتاتتار! كەشەگى وتكەن ساياسي باسەكەدە سايلاۋشىلاردىڭ ۇلكەن سەنىمىنە يە بولعان شىنايى جەڭىستەرىڭىز قۇتتى بولسىن! مەن جاڭا عانا سەنىم مانداتىن العان ۇكىمەت قۇرامىنىڭ اتىنان جانە جەكە ءوزىمنىڭ اتىمنان سىزدەرگە جاڭا قىزمەتتە تابىس تىلەيمىن. ۇكىمەت سول سەنىمدى بارىنشا اقتاۋ جولىندا جۇمىستى جالعاستىراتىن بولادى. بۇگىن پارلامەنتتىڭ ءبىرىنشى سەسسياسىنىڭ اشىلۋىندا مەملەكەت باسشىسى ەلىمىزدىڭ الدىندا تۇرعان ماڭىزدى مىندەتتەردى جان- جاقتى اتاپ كورسەتتى. ەلباسى تاپسىرمالارىن ىسكە اسىرۋ جانە حالىقتىڭ ءال- اۋقاتىن جاقسارتۋ جولىنداعى بىرلەسە اتقاراتىن جۇمىسىمىزعا ساتتىلىك تىلەيمىن. سەنىمدەرىڭىزگە راحمەت!»، - دەدى كارىم ءماسىموۆ جالپى وتىرىستا.

ەسكە سالا كەتسەك، ق ر كونستيتۋتسياسىنا سايكەس «رەسپۋبليكانىڭ پرەمەر-ءمينيسترى جاڭادان سايلانعان پارلامەنت ءماجىلىسىنىڭ الدىندا ۇكىمەتكە سەنىم تۋرالى ماسەلە قويادى. ءماجىلىس سەنىم بىلدىرگەن جاعدايدا، ەگەر رەسپۋبليكا پرەزيدەنتى وزگەشە شەشىم قابىلداماسا، ۇكىمەت ءوز مىندەتتەرىن اتقارۋدى جالعاستىرا بەرەدى».

اۆتور: رۋسلان عابباسوۆ