ەركە ەسماحان: ماحابباتىن كۇيەۋگە شىققان سوڭ كەزدەستىرەتىن جاندار بار
بۇل تۋرالى Stan.kz حابارلايدى.
وسىدان ءبىراز ۋاقىت بۇرىن ەركە ەسماحان جەلى قولدانۋشىلارىنان كورۋگە لايىق فيلمدەر مەن تەلەحيكايالار تۋرالى سۇراعان-دى. ينستاگرامداعى دوستارى بەرگەن كەڭەستى ەسكەرىپ، «قۇلپىناي ءيىسى» اتتى تەلەحيكايانى كورگەن ەكەن. اتالعان تەلەحيكايا ەرەكشە اسەر سىيلاپ قانا قويماي، ماحاببات تۋرالى پىكىرىمەن بولىسۋگە جەتەلەگەن.
«ەكى ايعا سوزىپ «قۇلپىناي ءيىسى» تەلەحيكاياسىن كورىپ شىقتىم. ءار نارسەنىڭ جاقسى- جامان جاعى بار. ءبىراق ءدال وسى تەلەحيكايانىڭ كەم تۇستارىن ايتقىم كەلىپ تۇرعان جوق. ادەمى ماحاببات حيكاياسى ءبىرىنشى سيۋجەتىنەن-اق باۋراپ اكەتتى»، - دەپ اتالعان تەلەحيكايانى كورۋگە كەڭەس بەرگەن جاندارعا العىس ايتتى.
ارى قاراي «بىردەن ومىردە دە وسىنداي ادەمى ماحاببات، ءتاتتى سەزىم بار عوي دەگەن ويمەن وتىرىپ كورەسىڭ. شىنىمەن، ومىردە عاشىقتاردىڭ سەزىمى شىنايى بولسا، جاسىنا، الەۋمەتتىك جاعدايىنا قاراماي، جۇپ بولىپ ءومىر ءسۇرۋ بۇيىرادى. كوز كورىپ جۇرگەن سوڭ، مىسال دا كوپ! سوندىقتان ماحاببات ومىردە بار!» دەپ بۇل سەزىمدى قاستەرلەي بىلۋگە شاقىردى.
«ماحاببات ءار جاستا ءارتۇرلى وقيعامەن كەلۋى مۇمكىن. اشى بولسا دا، شىندىق، كەيبىر جان ناعىز ماحابباتىن ۇيلەنىپ (كۇيەۋگە شىعىپ) قويعان سوڭ دا كەزدەستىرىپ قالادى. تاعدىرعا نە جازىلماعان؟! الايدا، تاعى ءبىر ويىم قازىر جانىپ تۇرعان وتتاي ىستىق ماحاببات جوق. بولسا دا ول ءۇشىن كۇرەسۋ جوق» دەپ كوپتىڭ كوكىرەگىنە ەكىۇشتى وي سالدى.
ءانشىنىڭ ايتۋىنشا، ءبىز وقىعان قيسسا- داستاندارداعى سۇيگەنى ءۇشىن ءومىرىن قۇربان ەتۋگە دايىن عاشىقتار تەك ادەبي شىعارمالار مەن كينولاردا عانا ءومىر سۇرەدى. مۇنىمەن قاتار، ءانشى دوستارىنا اتالعان تەلەحيكاياداعىداي كىرشىكسىز، ءمولدىر ماحاببات تىلەدى.
