قازاقستان پرەزيدەنتى ق ح ا جيىرما ءتورتىنشى سەسسياسىن شاقىرۋ تۋرالى وكىمگە قول قويدى

استانا. قازاقپارات - قازاقستان پرەزيدەنتى نۇرسۇلتان نازاربايەۆ قازاقستان حالقى اسسامبلەياسىنىڭ جيىرما ءتورتىنشى سەسسياسىن شاقىرۋ تۋرالى وكىمگە قول قويدى، دەپ حابارلادى اقوردانىڭ باسپا ءسوز قىزمەتى.

«قازاقستان حالقى اسسامبلەياسىنىڭ جيىرما ءتورتىنشى سەسسياسىن شاقىرۋ تۋرالى» وكىم

1. قازاقستان حالقى اسسامبلەياسىنىڭ جيىرما ءتورتىنشى سەسسياسى 2016 - جىلعى 26 - ءساۋىر كۇنى استانا قالاسىندا بەيبىتشىلىك جانە كەلىسىم سارايىندا «تاۋەلسىزدىك. كەلىسىم. بولاشاعى ءبىرتۇتاس ۇلت» كۇن تارتىبىمەن شاقىرىلسىن.

2. قازاقستان رەسپۋبليكاسىنىڭ ۇكىمەتى قازاقستان حالقى اسسامبلەياسىنىڭ جيىرما ءتورتىنشى سەسسياسىن وتكىزۋدى ۇيىمداستىرۋ جونىندە شارالار قابىلداسىن.

قازاقستان رەسپۋبليكاسىنىڭ

 پرەزيدەنتى ن. نازاربايەۆ

 استانا، اقوردا، 2016 - جىلعى 25 - ناۋرىز