شەنەۋنىكتەردىڭ كەيبىر نارسەلەردى تاعى دا «تەجەگىلەرى» كەلەتىندىگىن سەزىنەمىن - ن. نازاربايەۆ
«مەن شەنەۋنىكتەردىڭ كەيبىر نارسەلەردى تاعى دا «تەجەگىلەرى» كەلەتىندىگىن سەزىنەمىن. ءبىز بەلگىلەگەن «100 ناقتى قادامنان» ەشتەڭە دە تۇزەتىلمەۋى قاجەت، جەرگىلىكتى جەرلەردەگى قانداي دا ءبىر شەنەۋنىكتەردىڭ پايداسى ءۇشىن تۇزەتىلمەۋى ءتيىس. مەن جاۋاپتى تۇلعالارعا تاعى ءبىر مارتە ەسكەرتەمىن»، - دەدى ن. نازاربايەۆ.
ەلباسى ءوز سوزىندە اعىمداعى جىلدىڭ 1 - قاڭتارىنان قازاقستان جاڭا قۇقىقتىق ينستيتۋتتىق ورتا جاعدايىندا ءومىر ءسۇرىپ جاتقانىن اتاپ ءوتتى. ول 59 زاڭ مەن 400-دەن استام زاڭ اياسىنداعى اكتىلەردىڭ قابىلدانۋىمەن قالىپتاسقانىن ەسكە سالدى.
«كەشەگى جوسپار بۇگىنگى كۇنى شىنايىلىققا اينالدى. ءاربىر قازاقستاندىق ءۇشىن الەمنىڭ ەڭ دامىعان ەلدەرىندەگى مۇمكىنشىلىكتەرمەن بارا- بار جاڭا جاعدايلار اشىلۋدا»، - دەدى مەملەكەت باسشىسى.
«بيزنەستى دامىتۋ مۇددەسى ءۇشىن ەكونوميكا مەن ەڭبەك قاتىناستارى سالاسىنداعى ۇلتتىق زاڭناما قايتا تۇرلەندى. فەرمەرلەر مەن اگرارلىق كاسىپورىنداردى قوسا العاندا وتاندىق ءىرى، ورتا جانە شاعىن بيزنەس ءۇشىن بارىنشا جايلى شارتتار مەن ىنتالاندىرۋ تەتىكتەرى قۇرىلدى. بۇكىل ەلدە جاڭا وندىرىستەر مەن جاڭا جۇمىس ورىندارى پايدا بولۋدا. تاياۋ 10 جىلدا 660 مىڭ، ونىڭ ىشىندە قايتا وڭدەۋ مەن يننوۆاتسيالىق سەكتورلاردا 70 مىڭ جاڭا جۇمىس ورىندارى قۇرىلادى»، - دەدى ق ر پرەزيدەنتى.
ەلباسىنىڭ اتاپ وتۋىنشە، قازاقستان ەكونوميكاسىنا جاڭا ينۆەستيتسيالىق سەرپىن بەرىلدى. ەلىمىز بيزنەس جۇرگىزۋ جەڭىلدىگى يندەكسىندە الەمنىڭ 189 ەلى اراسىندا 41- شى، ال ەڭبەك نارىعىنىڭ تيىمدىلىگى بويىنشا 140 ەلدىڭ اراسىندا 18- ورىندا تۇر.
«ەلىمىزدە جۇرگىزىلىپ جاتقان زاڭداستىرۋ اياسىندا تولىقتاي العاندا 74,4 مىڭ نىسان مەن 576 ميلليارد تەڭگەنىڭ قۇندى قاعازدارى، سونىمەن بىرگە 334 ميلليارد تەڭگە قارجى جەكەشەلەندىرىلدى»، - دەدى ن. نازاربايەۆ.
«ءبىلىم جانە عىلىمنىڭ جاڭا مەملەكەتتىك باعدارلاماسى ىسكە قوسىلدى. ول ءومىر بويى ءبىلىمدى شىڭداۋعا قايتا باعدارلانعان، ەڭبەك نارىعى قاجەتىلىگىنىڭ، بىلىكتى كادرلاردى دايارلاۋدىڭ ۆەكتورىن وزگەرتەدى. بۇنداي قادام جۇمىس كۇشىنىڭ موبيلدىلىگى مەن ەڭبەكتىڭ جەمىستىلىگى ءۇشىن ورتا قالىپتاستىرادى. جوعارى وقۋ ورىندارىندا حالىقارالىق ستاندارتتارعا اككرەديتاتسيا ەنگىزىلۋدە، سىرتتاي وقۋ قاشىقتان وقىتۋعا اۋىستىرىلادى. بالالاردىڭ ءجۇز پايىزى مەكتەپكە دەيىنگى ءبىلىم بەرۋمەن قامتىلادى»، - دەدى پرەزيدەنت.
سونىمەن قاتار مەملەكەت باسشىسى الداعى جىلدان باستاپ ءۇش ءتىلدى ءبىلىم بەرۋ كەزەڭ- كەزەڭمەن ەنگىزىلەتىنىن اتاپ ءوتتى.
«2020 - جىلعا قاراي 12 جىلدىق وقىتۋعا تولىقتاي كوشۋ قامتاماسىز ەتىلەدى. بۇدان بۇرىن ايتقانىمداي، ءاربىر تۇلەك ءوزىنىڭ ءبىرىنشى جۇمىسشى ماماندىعىن تەگىن يگەرۋگە مۇمكىندىك الادى»، - دەدى پرەزيدەنت.
اۆتور: مارلان جيەمباي
