ءماجىلىس دەپۋتاتتارى قازاقستان حالقىنا انت بەردى

استانا. قازاقپارات - پارلامەنتتىڭ VI شاقىرىلىمىنىڭ ءبىرىنشى سەسسياسىنىڭ اشىلۋىنا ارنالعان ق ر پارلامەنتى پالاتالارىنىڭ بىرلەسكەن وتىرىسىندا جاڭا قۇرامداعى ءماجىلىس دەپۋتاتتارى قازاقستان حالقىنا انت بەردى.

  انتتى 6- شاقىرىلعان قازاقستان رەسپۋبليكاسى پارلامەنتى ءماجىلىسىنىڭ «نۇر وتان» پارتياسىنىڭ پارتيالىق ءتىزىمى بويىنشا - 84 دەپۋتاتى، قازاقستاننىڭ «اق جول» دەموكراتيالىق پارتياسىنىڭ پارتيالىق ءتىزىمى بويىنشا - 7 دەپۋتاتى، قازاقستان كوممۋنيستىك حالىق پارتياسىنىڭ پارتيالىق ءتىزىمى بويىنشا - 7 دەپۋتاتى جانە قازاقستان حالقى اسسامبلەياسى سايلاعان 9 دەپۋتاتى بەردى. «قازاقستان حالقىنا ادال قىزمەت ەتىپ، قازاقستان رەسپۋبليكاسى تۇتاستىعى مەن تاۋەلسىزدىگىن نىعايتۋعا، ونىڭ كونستيتۋتسياسى مەن زاڭدارىن قاتاڭ ۇستانۋعا، ماعان جۇكتەلىپ وتىرعان دەپۋتات قىزمەتىن ادال اتقارۋعا انت ەتەمىن»، - دەدى ەڭ ءبىرىنشى بولىپ انت بەرگەن ءماجىلىس دەپۋتاتى ساۋىتبەك ابدراحمانوۆ.

انتتى ق ر پرەزيدەنتى نۇرسۇلتان نازاربايەۆ قابىلدادى.